Deporte
Hensley Meulens, COACH di NYY: “E ambiente sumamente bon den tim”…
• Deporte 5 Star a kombersá awe mainta ku e YDK Hensley Meulens ku ta “coach” di New York Yankees.
Hensley Meulens a bisa deporte 5 Star ku kosnan ta bayendo sumamente bon ku e tim di Yankees. Ku eksepshon di e promé serie vs Orioles Yankees a gana tur serie.
E la bisa ku e mekánika i dinámika den e tim ta sumamente bon.
“Si no tabata bon, nos lo no ta ganando tantu asina i tin miho rekort den baseball”, e la deklará.
E tabatin bon palabra pa e pitcheo di Yankees.
E bateo por mehorá poko na averahe, ounke e tim ta bateando homerun. “Nos ta hungando bon baseball.
E ambiente den e tim ta sumamente bon.
Nos ta bayendo un “road-trip” di 8 wega i tin di trata na mantené e ritmo.
Nos ta bai hunga 4 wega na Chicago i 4 na Baltimore. Nos tin di trata di mantené”, esei ta loke kumi por bisa aworakí, na palabra Hensley Meulens.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
