Deporte
Henry Caldera, DT di Subt: “Sigur Subt bayendo poko mihó”…
• E DT di Subt Sr. Henry Caldera ta sigur poko mas satisfecho ku su tim. Subt a gana Undeba den fin di siman i kue 3 punto será.
E ta bisa ku kontra di Jong Holland nan a kue 1 punto, pero e tim a hunga bon. “Jong Holland a kuminsá ku 4 hungadó hubenil, pero na half nan a hinka Mirco, Baptist, Sully Kent i Enchi Martina den wega, i e wega a keda hopi pareu.
Nan no a hasi muchu kos”, Caldera ta splika. Ora nos analisá e último aktuashonnan mester rekonosé ku e tim ta bayendo dilanti, ounke tin hopi trabou ainda. E ta konta ku mayoria di nan muchanan U-17/U-20 a hunga práktikamente hinter promé buèlta.
Ta bin aserka ku awor nos por konta ku e dos estranheronan Borres Peres i Condumi.
E tim ta hungadó ku mas konfiansa. E DT ta bisa ku nan konsentrashon ta pa distansiá for di e timnan den region mas abou, i naturalmente lucha pa drenta entre e promé seis nan.
“Di tur manera e promé meta ta distansia nos mes for di ei bou”, Henry Caldera a deklará.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
