Deporte
Hainley Statia, Manager Selekshon di Baseball di Kòrsou: “Mi no ta bin Ulanda djis pa partisipá”…
E Manager di e selekshon di baseball di Kòrsou ku ta na Haarlem pa Haarlemse Honkbal Week ku ta Hainley Statia ta hopi kontentu ku e selekshon di Kòrsou.
E la pone bon kla den kombersashon ku Calili Ruiter ku e no ta bini Ulanda djis pa partisipá na e kompetensia di baseball.
E Manager tin konfiansa ku e selekshon ku e ta dirigí lo klasifiká i lo hunga final dje kompetensia na Haarlem.
E ta bisa ku nan parti fuerte ta defensa i bateo.
Nan a traha hopi kon pa fabrika kareda paso e tim no tin tantu poder.
Statia a bisa ku e ta kere den “Old School”, paso baseball ta hunga riba tereno.
Kòrsou ta e tim ménos bon rankea riba e ranking di baseball, pero Hainley tin konfiansa ku nos lo logra un bon presentashon.
E la revelá ku no tabata fásil yega na un selekshon definitivo.
E weganan na Haarlem lo bai 7 inning, loke ta na nos fabor, asina e máksimo dirigente di nos baseball a bisa.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
