International
Gustavo Petro a yega Mexico pa reuní ku AMLO

MEXICO – Gustavo Petro presidente di Colombia a yega Mexico ayera nochi na AIFA (Aeropuerto Internashonal Felipe Ángeles) kaminda ela keda risibí pa Maximiliano Reyes Zúñiga sekretario pa Amérika Latina i Caribe.
Pa awe mainta 25 di novèmber Gustavo Petro i presidente Andrés Manuel López Obrador na Palasio Nacional un desayuno i despues lo sigi atendé ku asuntunan di trabou.
Despues di e reunion ku Andrés Manuel López Obrador presidente Gustavo Petro lo reuní ku Claudia Sheinbaum hefe di gobiernu na Parlamento di Mexico.
Na final di dia Gustavo Petro lo keda kondekorá komo huéspet distinguido di CDMX i lo firma e buki di bishitantenan prominente ku a yega Palacio Nacional.
Pa mayan mainta tin un programa prepará pa Gustavo Petro reuní ku grupo di Colombianonan ku ta biba na Mexico na embahada i lo diskutí e tema di diskriminashon.
International
Kamala Harris lo asistí na entiero di Tyre Nichols

MEMPHIS – Awe lo tin entiero di Tyre Nichols kende ta e hòmber afroamerikano ku a keda asesiná ku gòlpi pa 5 agente polisial pretu na Memphis.
Kamala Harris vise presidente di Merka a anunsiá na familiarnan di Tyre Nichols ku elo bai ta presente.
Reverendo Al Sharpton tambe lo ta presente na e entiero di Tyre Nichols pa asina trata na mantené kalma.
Ta spera ku na e entiero aki lo bai tin bastante manifestante teniendo kuenta ku polis ta bolbe kometé un fayo garafal di asesiná un hòmber pretu indefenso.
E biaha aki no ta polis blanku ku ta bati un afroamerikano mata sino 5 agente polisial pretu ku a hinka nan kurpa den bastante problema ku hustisia.
Tyre Nichols a muri den un hospital na Memphis dia 7 di yanüari despues ku agentenan a batié durante mas ku 10 minüt.
International
Tiroteo na Lakeland a laga un saldo di 10 herido di kual 2 ta den estado kritiko

LAKELAND – Sam Taylor hefe di kuerpo polisial na Lakeland a konfirmá ku tin un investigashon andando relashoná ku un kaso di tiroteo na un bario marginá kaminda hóbennan tin kustumber di ta bende mariwana.
Lokual a pasa segun Sam Taylor ta ku un grupo di hóben tabata supuestamente bende mariwana bou di un palu na un konosido bario marginá na Lakeland ku yama Cumberland.
Aparentemente un vehíkulo kolo blou ku 4 persona abordo a pasa basha bala riba e grupo di hóbennan ku tabata bendiendo mariwana na e skina di kaya.
Sam Taylor a splika ku despues ku e kriminalnan a kaba di kometé e krímen aki a nan a bati retirada.
Un total di 10 hóben di entre 13 pa 17 aña a keda transportá pa hospital na Lakeland.
Sam Taylor a splika ku dos di e víktimanan mester a keda transportá ku helikòpter pa Tampa debí ku nan ta den estado kritiko.
Sam Taylor a splika ku ayera tardi nan a logra lokalisá e outo ku e kriminalnan aki a kometé e krímen pero te ainda no a arestá ningun hende.
Lokual si tin informashon ta ku algun di e víktimanan a konfirmá na polis ken ta esnan ku a pasa basha bala.
International
Gobiernu di Ukrania: Ta prohibí su funshonarionan di rango haltu bai ku vakashon

KIEV – Andrey Demchenko bosero di gobiernu Ukraniano a konfirmá ku Kongreso a firma un resolushon kaminda ta prohibí tur alto funshonario bai ku vakashon den ekstranheria.
E resolushon gubernamental aki a keda aprobá i adaptá pa entrante djabièrnè próksimo ku ta nifiká ku miéntras tantu Ukrania keda invadí i ataka pa Rusia ningun funshonario di entre 18 pa 60 aña tantu hòmber komo muhé por bandoná pais.
E motibu ta debí ku esnan ku a bai ku vakashon pa paisnan den Union Europeo of Merka ningun a bolbe bek.
Andrey Demchenko a splika ku tin mas ku 2 mion Ukraniano a bandoná e lucha i ku awor ku Rusia a bolbe intensiva nan atakenan mester a adaptá e resolushon.
E úniko manera ku un funshonario di rango haltu por bai di vakashon ta si nan mester bai bishita nan yunan of pa asuntu médiko.
E kontrol lo bai keda bon kontrolá tantu na frontera komo na aeropuertonan na Ukrania.
-
Deporte5 days ago
E ta ku Piratas: Andujar ta bai Triple A…
-
Lokal6 days ago
Funshonarionan enkargá ku poder mester tin karchi di kastigu limpi
-
Lokal5 days ago
SVB ta paga klinika sikiatriko religiosamente pa kuido di pashèntnan
-
Lokal5 days ago
Inisio ofisial di e Kódigo di Protekshon
-
Lokal6 days ago
Ban wak den spil honestamente…. KORUPSHON & BON GOBERNASHON
-
Deporte5 days ago
Trabounan lo por start kualke momento: “AnyTime” Sabana BP lo por haña su Yerba !!
-
Deporte5 days ago
Giants A Firma Roberto Perez… …Catcher Venezolano..
-
Deporte5 days ago
Tur kos ta mustra ku: “Golden Boy” lo firma Terence Crawford…