International
Gobiernu di Inglatera i empresa na Abu Dhabi a firma akuerdo multimionario

International
Lula da Silva a kasa: Pa di tres biaha faltando sinku luna pa elekshon na Brazil

SAO POALO – Luiz Inácio Lula da Silva eks presidente di Brazil ta preparando pa bai elekshon dia 8 di òktober kontra su rival ku ta Jair Bolsonaro.
Tambe pa ta mihó prepará Luiz Inácio Lula da Silva a disidí na kasa promé ku e fecha aki ku su prometida na Sao Paolo ku yama Rosangela da Silva.
Rosangela da Silva ta un dama profeshonal ku ta traha komo sosiólogo i ta 21 aña mas hóben ku Luiz Inácio Lula da Silva.
Luiz Inácio Lula da Silva di 76 aña di edat a kasa dos biaha kaba i ta viudo na dos okashon.
Pa lokual ta e selebrashon di matrimonio tabatin alrededor di 200 invitado di kual tur hende presente mester presentá ku nan QR Code di no ta infektá ku Covid-19..
International
Jill Biden a yega Ecuador pa inisiá su gira pa Amérika Latina

QUITO – Jill Biden primera dama di Merka a yega Ecuador ayera nochi pa asina inisiá su gira pa Amérika Latina.
Na yegada di Jill Biden na Ecuador ela keda risibí pa María de Lourdes Alcívar primera dama i kasa di presidente Guillermo Lasso.
Tambe tabata presente Juan Carlos Holguín minister enkargá ku relashonnan eksterior.
Mester bisa ku tabatin bastante áwaseru ta kai ayera tardi na momentu ku Jill Biden a yega Ecuador pero asina mes ela risibí un trato presidensial ku tur su onornan.
Komo ku tin bastante inseguridat na Ecuador gobiernu a sòru pa tin militarnan pa atendé ku kontrol delaster kaminda ku Jill Biden i María de Lourdes Alcívar mester a pasa riba karetera.
Despues di e bishita ofisial di Jill Biden na Ecuador elo sigi ku su gira pa Panama i finalmente Costa Rica.
Jill Biden lo biaha djabièrnè pa Panamá kaminda elo reuní ku primera dama Yazmi Colón de Cortizo na e Palasio presidensial.
Na Panama lo bai tin vários aktividatnan organisá pa Jill Biden i Yazmin Colón.
Finalmente djadumingu Jill Biden lo yega Costa Rica kaminda elo reuní ku Rodrigo Chaves i su kasa Lady Signe Zeikate.
International
Vladimir Putin a ordená pa: Ekspulsá diplomátikonan di Spaña, Fransia i Italia for di Mosku

MOSKU – Vladimir Putin den un akto di represaya a ordená pa laga ekspulsá tur diplomátikonan di Spaña, Fransia i Italia for di Mosku.
Ministerio di Relashonnan eksterior na Rusia a konfirmá ku un total di 27 diplomatiko di Spaña, 34 diplomatiko di Fransia i 24 diplomatiko Italia ta keda konsiderá komo personanan “Non Grata” na Rusia.
E diplomátikonan aki tin 48 ora pa bandoná teritorio di Rusia i ku presidente Vladimir Putin a manda buska tur
su diplomátikonan ku ta stashoná na Italia, Spaña i Fransia promé ku nan tambe keda konsiderá komo persona nan “Non Grata”.
Mario Draghi promé minister di Italia a kalifiká lokual Vladimir Putin ta hasiendo komo un akto hostil sin ningun fundamento.
Vladimir Putin ta un problema serio pa humanidat i ku awor ta buskando pa bai den ofensiva kontra tur e paisnan den Union Europeo ku no ta di akuerdo ku lokual e ta hasiendo.
Emmanuel Macron tambe a disidí ku si ta den e rumbo aki Vladimir Putin ta skohe pa bai elo no tin ningun problema pa kibra relashon diplomatiko i komersial bilateral ku Rusia.
-
Lokal7 days ago
‘’Hendenan di menos rekurso no ta baki di sushi’’
-
Sosial7 days ago
Modelonan di “Mature Model Management” dia 5 di yüni riba pasarela
-
Sosial7 days ago
Ruta di Karnaval
-
Lokal7 days ago
Konseho sabio di wes………. Laga e dos partidonan pone sèn huntu
-
Sosial4 days ago
Art for the Roses mas lat e aña aki
-
Aruba4 days ago
MIKE EMAN: AVP DEN DI BARIO NOORD CU DIALOGO RIBA E BON COMUN !
-
International6 days ago
Senado merikano a konfirmá ku Jerome Powell lo sigi na kabes di Reserva Federal
-
Aruba6 days ago
Parlamentario di MEP Darlaine Erasmus: A renoba Cruyff Court Denzel Dumfries pa sigui inspira hoben haci deporte