Deporte
Gilmar Velder, Manager di Marchena Braves: “Mas nos uni, i respetá otro mihó kos bai”…
E manager di Marchena Braves ku ta Gilmar Velder a kombersá awe mainta den deporte Hoyer ku Calili Ruiter.
Velder tabata kontentu despues ku su tim ayera a logra nan di dos triunfo di e kampeonato ganando di Groot Kwartier Stars/Mangusa.
Velder a bisa ku e tim ta riba bon kaminda. “Mas nos uni, i mas nos respetá otro mihó kos bai”, asina e dirigente a deklará. Ta su deseo pa e peloteronan konsentrá mas riba nan trabou den tereno, i no preokupá ku otro fayonan ku lo por tin kisas di umpire. “Nos tin di focus riba nos baseball, esei ta e kos di mas importante”, e la deklará.
E tabatin bon palabra naturalmente pa e ochi nan Henrietta i Polonius.
Pa loke ta nan pitcheo e la bisa ku nan lo trata di saka mas tantu posibel for di nan pitchernan.
E dirigente ta bisa ku e kampeonato ta interesante paso lo por tin sorpresa kualke momento.
“No por deskartá niun tim”, e la deklará.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
