Despues di a pèrdè nan promé wega 2-1 den un partidaso vs e kampeon di St. Maarten, e tim Pirata a bin bek pa den mardugá grandi bira kampeon dje torneo Internashonal di baseball ganando ku skor abulta di 13-0. Promé ku hunga e final, e tim Pirata dirigí den e torneo pa “Chado” Obispo a faha duru vs Aruba pa gana di nan 5-4 den 11 inning.
E final a bai fásil ya ku e tim sub kampeon di Kòrsou a gana 13-0. Kenneth Gijsbertha máksimo dirigente Pirata a papia di un bon organisashon i hopi entusiasmo serka e fanátiko. Nan lo ke sigui organisá e torneo aki. Sigur tabatin algun pelotero ku a destaká durante e torneo Internashonal aki:
Juremi Profar a gana e premio di “Most Valuable Player” di e torneo, e tabata bon den ofensiva i defensa….
Cedeon, “Chipie” Langguth, a gana e premio di mihó pitcher dje torneo.
E la biaha ku e Piratanan komo refuerso.
E ta pertenesé na Firebirds…
Sherwenn Antersijn a Sali lider base robá dje kompetensia….
Swindley Lindt ku tambe a bai ku e Pirata komo refuerso a finalisá komo kampeon bate. E la bati pa averahe di .667..
Jadon Gosepa ku tambe a bai komo refuerso tabatin un ekselente aktuashon, pitchando i hungando den defensa…Pabien na e famia Pirata…
Un danki spesial na Glenn Thomas i Kenneth Gijsbertha ku a fasilitá nos informashon…