Deporte
Futbolistanan ku no a bakuná ta “matando” FFK: Bo no por drenta U.S.A. !!
Informashon ku deporte 5 Star tin, ta mustra ku FFK ta den un situashon hopi difísil i ferfelu relashoná ku futbolistanan di selekshon no a bakuná.
Pa loke ta selekshon grandi a logra di bin kla “milagrosamente”, ounke palabra no mester ta hopi.
E situashon a bira ainda mas difísil, paso den e selekshon ku ta bai Honduras U-20 tin atrobe un kantidat di futbolista ku no a bakuná.
Esei ta pone ku FFK ta “man na kabes” paso pa yega Honduras sea bo ta bai via di Estádos Unídos o bo tin di bula pa Colombia i yega Honduras via’via.
E doló di kabes ta grandi, paso si mester bai otro ruta ku no ta via Merka e gastunan ta bira muchu mas.
FFK tin “man na kabes”, paso e situashon ta leu for di fásil i ta primiendo formal riba finansa di nos Federashon di Futbòl di Kòrsou.
Ounke FIFA ta sostené FFK plaka ta birando skars, paso eks dirigente di nos futbòl Sr. Rignaal Francisca a hasi hopi kos na Brievengat, pero e no a logra planta un palu di plaka.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
