Connect with us

Uncategorized

Frida i su mama Alejandra Guzmán a kuminsa komunika

Published

on

Alejandra Gusman i su yu muhé Frida Sofia den tempunan bon.

Porfin e mama i yu a disidí na laga nan problemanan den pasado i a kuminsá trata na drecha nan relashon. Aki nos ta referí na e aktris Alejandra Guzmán i Frida Sofia ku ya tin un tempu tabata den diskushon formal i sakando ‘paña sushi’ di otro den medionan sosial.

 

E diskushonnan di mama ku yu a bai asina leu ku na vários okashon tur dos a anunsiá di preferá na sigui nan bida separá asina evitá mas bèrgwensa públiko.

 Pero resientemente ora ku a sali videonan di salú dje kantante Alejandra Guzman ku a resultá positivo di covid-19. Tabata spekulá ku e kantante di “Hacer el Amor con Otro” no ta rekuperando di e malesa i esaki a pone ku Frida Sofia a kuminsá preokupá pa salú di su mama te ku e la tuma e kurashi pa yam’é.

 Frida a keda mas trankil sabiendo ku su mama ta muchu mas mihó ku e tabata parse riba e videonan. Esaki por tabata un bon esküs pa e relashon entre e yu i su mama re-establese, despues ku nan a hasi hopi daño na otro i nan mes.

Continue Reading

Uncategorized

….Algun notisia ku ta hasiendo deporte kontentu…. Sabana Ballpark lo haña yerba…

Published

on

By

Richard, “Chati” Constancia, gerente Sabana Ballpark.

 

Minister di deporte, enseñansa i kultura Sithree Van Heydoorn den un kombersashon ku nos amigu Rignald, “Nal” Maduro di Radio Krioyo i Deporte 5 Star a rekonosé ku Sabana Ballpark ku tin hopi tempu ta warda, ta den tapara pa haña yerba artifisial.
Sabana Ballpark na Zapateer tin un historial inkreibel pa loke ta softball femenino fastpitch i último añanan tambe baseball Intermediate League.

Sabana ta un dje sitionan mas stimá pa sòftbòl femenino ku un ambiente úniko i ku ta trese hopi rekuerdo.

No tin duda ku e informashon ku e parke haña yerba lo hasi tur hende den sòftbòl kontentu.

5 Star a aserka gerensia di e parke ku ta deseá di ta kouteloso.

Masha hopi aña Sr. Chati Constancia a bin ta lucha ku e parke i naturalmente yerba lo ta un soño pa e gerente i tambe pa tur ku ta stima sòftbòl femenino fastpitch.

Continue Reading

Uncategorized

Rusia ta registrando kasi 20 mil kaso di kontagio nobo di coronavirus pa dia

Published

on

By

Kasonan di coronavirsu a oumenta drastikamente na Rusia.

MOSKU – Rospotrebnadzor ta e organismo opservador i ku ta enkargá ku protekshon pa konsumidó den aspekto di regulador di medisina na Rusia a konfirmá ku pa dia nan ta registrando alrededor di 20.000 kaso di kontagio di coronavirus.
E situashon ta di preokupashon debí ku tin 2.141 pashènt interná den kuido intensivo na nivel nashonal i ku pa dia tin un averahe di 46 hende ta muriendo.
E indikadór di Rospotrebnadzor a registrá ku na un total 41 region na Rusia tin coronavirus ta plamando.
Durante último dos siman ku a pasa segun e regulador Rospotrebnadzor tin kontagionan di e variante original Ómicron, Delta i Centauro.
Rospotrebnadzor ta kalkulá ku si e kontagionan sigi oumentá den e último dos simannan ku a pasa pa fin di ougùstùs por yega na 100 mil kaso di kontagio pa dia.

Continue Reading

Uncategorized

Na Kenia: Violensia durante kampaña elektoral a laga un saldo di 5 morto i 50 herido

Published

on

By

Un bista kon agresivo e simpatisadónan na Kenia ta konfrontá otro durante e periodo di elekshon presidensial.

NAIROBI – Dia 9 di ougùstùs próksimo ta bai tin elekshon presidensial na Kenia i segun e komishon nashonal di Derechonan Humano tin bastante inhustisia ku violensia ta tumando luga.
Dr. Bernard Mogesa direktor di KNCHR (Kenya National Commission on Human Rights) a splika ku na diferente parti di e pais tabatin konfrontashon entre sivilnan di partidonan kontrali.
Konsekuensia di lokual a pasa aki ta ku simpatisante di partidonan a bringa ku otro ku a laga un saldo di 5 morto i 50 herido.
Tabatin un insidente kaminda rivalnan a kore pasa den multitut ku outo ku konsekuensia ku 5 persona a muri i 13 hende a resultá gravemente herida.
Partido polítikonan rival ku ta partisipá den e elekshon benidero di dia 9 di ougùstùs ta repartiendo plaka entre nan simpatisadónan ku konsekuensia ku e hendenan aki ta mata otro mes debí ku nan ta keda rekompensa.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login