Deporte
Franklin, “Frank” Mathilda: “Boy Garcia lo ta bòltu den su Graf”.. Inkreibel e asuntu di LLBP…
Deporte 5 Star a kombersá djabièrnè ku Sr. Franklin, “Frank” Mathilda dirigente deportivo di hopi aña. Frank, ku ta yu di e gran Sr. Joe Mathilda (dfm) a destaká den e deporte di pin pon i semper e tabata den deporte komo dirigente i konosí komo un hòmber di nivel atministrativo.
Frank ta un dje hòmbernan klave di Sala Irene Moreno. I e la bisa nos tambe ku e la yega di funshoná komo sekretario di Littlea League den tempu di dirigentenan manera Sr. Boy Garcia i Sr. Boy Tweeboom.
Frank a lamentá kon e situashon di Little League Ballpark na Muizenberg a bira. “Boy Garcia lo ta bòltu den su graf”, e la deklará.
E la konta ku dia nan a kuminsá traha Sala Irene Moreno a bisa nan pa no traha kiko ku ta banda di Little League Ballpark, dje orguyoso ei nana tabata dje parke.
“Bo mira kiko a bira dje parke, ta un tristesa”, Frank ta bisa.
E dirigente deportivo ta bisa ku grandinan manera Sr. Boy Garcia lo ta bòltu den nan graf. Little League Ballpark a wòrdu trahá pa un kantidat di boluntario di baseball di tur parti di Kòrsou ku a uni enkabesá pa hopi hende di Suffisant ku a traha ku alma i kurpa pa por yega na un parke pa mucha.
Despues Fundashon Sedreko tambe a yuda drecha e parke.
Tabata un parke di òrdu i disiplina, tempu ku amigu “Doortje” Doran tabata “beheerder”.
A primintí ku nos lo haña un parke, pero pa hopi dia kaba ta un ruina tin na Muizenberg.
Hopi duele, i di lamentá, anto niun hende no ta habri nan boka bisa nada.
Ta un falta di RESPET !!!
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
