Deporte
“Foul” a kibra pia di Matt Carpenter.. Yankees informando pa Sra. Barbara…
Nos amigunan di Radio Krioyo tin un programa kaminda un señora di nòmber Barbara ta hasi propaganda ku e por yuda tur hende.
Awe tin di buska number di telefon dje señora pa nos Yankees di New York.
Ayera e pelotero ku tabata hasiendo mihó trabou pa e tim ku ta Matt Carpenter den un swing a kibra su pia ora e “foul” a dal’e.
No ta konosí kuantu e lo keda afó.
Carpenter tin konfiansa ku e lo bolbe hunga e temporada aki.
E veterano di 36 aña tabata e dushi sorpresa pa Yankees den 2022.
Niun tim no a interesá den Carpenter, pero Yankees a tuma e rísiko i Carpenter ku Yankees den 127 turno tin averahe di .307 ku 15 homerun i 37 kareda empuhá.
E ta afó pa tempu indefiní.
Aworakí ta di buska e number di Señora Barbara serka amigu “Nal”….
(Deporte ta alegria).
Nal Maduro, representante di Sra. Barbara.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
