Deporte
Five Star a haña konfirmashon di GM Lennert Angela: Richelle Van Gennip Ta “On” Pa Virgin Islands…
Five Star a tuma kontakto ku Ingeniero Lennert Angela ku ta GM di nos selekshon di sòftbòl femenino fastpitch ku lo trata di klasifiká pa Juegos Centro Americano y del Caribe di El Salvador di 28 di febrüari pa 6 di mart próksimo na Virgin Islands.
E kompetensia lo ta bou di ouspisio di “English Caribbean Amateur Softball Confederation”.
Lennert Angela a konfirmá pa deporte 5 Star ku Richelle Van Gennip lo ta ku nos selekshon den e eliminatorio na Virgin Island.
Richelle na algun okashon a representá Kòrsou den kompetensia Internashonal i sigur ta un pitcher ku lo por yuda hasi e diferensia. Richelle tabata na Kòrsou e kampeonato aki ku e tim di Fenix i a demostrá ku e tin ainda e kapasidat pa dominá batido den nos region. Richelle ta aktivo na Ulanda.
E ta un pitcher ku ta kla pa tuma bala, i sin duda un bon kompañero (a) di ekipo.
Un bon atkisishon sigur, ya ku pitcheo ta klave pa nos selekshon logra klasifikashon pa El Salvador.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
