International
Fiskal na New York a pidi korte: Pa habri investigashon kontra Trump relashoná ku kaso di pago aktris di pòrno

NEW YORK – Segun informashon ku a keda publiká den “The New York Times” ayera ta informá ku fiskal spesial Alvin Bragg a hasi un petishon na korte di hustisia na Manhattan pa habri e kaso di Trump relashoná ku pago na e aktris Pòrno ku yama Stormy Daniels.
Donald Trump ta para firme ku e no a paga Stormy Daniels nada debí ku nunka e tabatin relashon kuné.
Segun fiskal Alvin Bragg abogado Michael Cohen tabata enkargá ku trabounan sushi pa Donald Trump.
Ta konosí kaba ku abogado Micheal Cohen a pago Stormy Daniels i pa kolmo a hañe den problema ku hustisia. Den e kaso aki abogado Micheal Cohen a hasta bai sera i despues a keda laga den libertat debí ku ela bira malu. Fiskal Alvin Bragg ta buskando koperashon di korte pa habri e kaso i asina por bai pone preshon riba Allen Weisselberg kende tabata eks hefe finansiero di Donald Trump. Allen Weisselberg ta e persona ku tabata atendé ku asuntunan finansiero di Donald Trump i aki tin informashon ku fiskal Alvin Bragg por tin chèns pa habri e kaso aki bek.
International
Kamala Harris lo asistí na entiero di Tyre Nichols

MEMPHIS – Awe lo tin entiero di Tyre Nichols kende ta e hòmber afroamerikano ku a keda asesiná ku gòlpi pa 5 agente polisial pretu na Memphis.
Kamala Harris vise presidente di Merka a anunsiá na familiarnan di Tyre Nichols ku elo bai ta presente.
Reverendo Al Sharpton tambe lo ta presente na e entiero di Tyre Nichols pa asina trata na mantené kalma.
Ta spera ku na e entiero aki lo bai tin bastante manifestante teniendo kuenta ku polis ta bolbe kometé un fayo garafal di asesiná un hòmber pretu indefenso.
E biaha aki no ta polis blanku ku ta bati un afroamerikano mata sino 5 agente polisial pretu ku a hinka nan kurpa den bastante problema ku hustisia.
Tyre Nichols a muri den un hospital na Memphis dia 7 di yanüari despues ku agentenan a batié durante mas ku 10 minüt.
International
Tiroteo na Lakeland a laga un saldo di 10 herido di kual 2 ta den estado kritiko

LAKELAND – Sam Taylor hefe di kuerpo polisial na Lakeland a konfirmá ku tin un investigashon andando relashoná ku un kaso di tiroteo na un bario marginá kaminda hóbennan tin kustumber di ta bende mariwana.
Lokual a pasa segun Sam Taylor ta ku un grupo di hóben tabata supuestamente bende mariwana bou di un palu na un konosido bario marginá na Lakeland ku yama Cumberland.
Aparentemente un vehíkulo kolo blou ku 4 persona abordo a pasa basha bala riba e grupo di hóbennan ku tabata bendiendo mariwana na e skina di kaya.
Sam Taylor a splika ku despues ku e kriminalnan a kaba di kometé e krímen aki a nan a bati retirada.
Un total di 10 hóben di entre 13 pa 17 aña a keda transportá pa hospital na Lakeland.
Sam Taylor a splika ku dos di e víktimanan mester a keda transportá ku helikòpter pa Tampa debí ku nan ta den estado kritiko.
Sam Taylor a splika ku ayera tardi nan a logra lokalisá e outo ku e kriminalnan aki a kometé e krímen pero te ainda no a arestá ningun hende.
Lokual si tin informashon ta ku algun di e víktimanan a konfirmá na polis ken ta esnan ku a pasa basha bala.
International
Gobiernu di Ukrania: Ta prohibí su funshonarionan di rango haltu bai ku vakashon

KIEV – Andrey Demchenko bosero di gobiernu Ukraniano a konfirmá ku Kongreso a firma un resolushon kaminda ta prohibí tur alto funshonario bai ku vakashon den ekstranheria.
E resolushon gubernamental aki a keda aprobá i adaptá pa entrante djabièrnè próksimo ku ta nifiká ku miéntras tantu Ukrania keda invadí i ataka pa Rusia ningun funshonario di entre 18 pa 60 aña tantu hòmber komo muhé por bandoná pais.
E motibu ta debí ku esnan ku a bai ku vakashon pa paisnan den Union Europeo of Merka ningun a bolbe bek.
Andrey Demchenko a splika ku tin mas ku 2 mion Ukraniano a bandoná e lucha i ku awor ku Rusia a bolbe intensiva nan atakenan mester a adaptá e resolushon.
E úniko manera ku un funshonario di rango haltu por bai di vakashon ta si nan mester bai bishita nan yunan of pa asuntu médiko.
E kontrol lo bai keda bon kontrolá tantu na frontera komo na aeropuertonan na Ukrania.
-
Lokal7 days ago
LABdeMED a tene simposio: Tema kompliká pero masha importante pa trata i evitá malesanan vaginal
-
Lokal6 days ago
Investigashon riba broyo di 100.000.000 Euro!!
-
Lokal6 days ago
Korte di Hustisia a ordená: Investigashon riba broyo di 100.000.000 Euro!!
-
Lokal6 days ago
Lidewijde Ongering ta presidente nobo di e Kolegionan di supervishon finansiero
-
Lokal6 days ago
Quincy Girigorie ta alertá OJO!: MFK ta monta show pa tapa kos grandi i mahos!
-
Lokal6 days ago
JetBlue ku oumento di buelo pa Kòrsou for di New York
-
Lokal7 days ago
Ken dje 244 interesadonan ta bin na remarke pa bira doño di tereno na Gato
-
Lokal7 days ago
Kòrsou tin kabuya di horka di Naf. 900 mion