Deporte
Finalmente: Homerun di Benintendi ta yuda Yankees….
ANDREW BENINTENDI ku a bin Yankees for di Royals den un deal finalmente a yuda Yankees gana un wega.
E outfielder estrea a bati un homerun ayera di 2 kareda pa kibra empate i yuda Yankees a gana di Toronto ku skor di 4-2. Nestor Cortes a habri pa Yankees, e la tira 6 inning, permití 3 hit i 1 kareda.
Treviño a gana den relevo tirando 2.1 di inning sin duna kareda…
GIANCARLO STANTON a hunga ayera den doble A komo DH, e la bai di 3-0, e la keda di bati awe vs Luis Severino….
CLAY HOLMES a tira 10 bala ayera den bullpen, i ta trahando riba su regreso….
ZACK BRITTON a tira 18 bala den bullpen, i tambe ta trahando pa kisas ta bek den sèptèmber….
ALBERT ABREU a wòrdu pone riba lista di hungadó leshoná ku inflamashon na èlebog…
Yankees a subi e relevista LUKE BARD for di triple A…
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
