Deporte
Fanátiko di futbòl di riba 70 aña: “Ramiro nos ke futbòl bek na radio !!”….
Deporte 5 Star a haña yamada ayera di un fanátiko di futbòl ku tin riba 70 aña di edat. E fanátiko aki a splika Five Star ku e tin hopi aña ta mira futbòl, pero ku aworakí ta difísil pa e bai paso e no por stür mas i no tin e energia pa e yega futbòl i regresá su kas.
“Mi ta stima futbòl, i lo tin hopi deseo pa nos por bola haña nos futbòl bek na radio”, asina e amante di futbòl a bisa deporte 5 Star. E amante di futbòl a pidi nos pa via di NOBO hasi un petishon masha spesial na e flamante presidente di FFK Sr. Ramiro Griffith pa hasi su esfuerso di manera ku futbòl por ta bek na radio.
“Mi stima futbòl, i lo mi sintimi kontentu di por skucha futbòl ounke ta radio, paso ta difísil pami ta presente”, asina e fanátiko a deklará na 5 Star.
Hecho ta ku tin masha hopi hende di edat ku ya no por bai futbòl mas ku ta disfrutá di nan futbòl na radio. Vários hende di edat ta aserka 5 Star ku e petishon pa futbòl regresá radio.
Na Bándabou tin masha hopi sigur. Lo ta great pa futbòl regresá radio paso ta un manera pa hopi hende di edat pasa un ratu kontentu.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
