Connect with us

Lokal

Famianan ta pidi 83.180,76 perwisio…. Supuesto pistolero ku a mata chines tin sinku aña fugitivo kaba

Published

on

Fundashon Slachtofferhulp

WILLEMSTAD. Fundashon Slachtofferhulp ku a asistí famianan di e difuntu a demandá e suma di Nafl 83.180,76 florin i fiskal a pidi pa honra e petishon ei. E akusado Shaheen File a insistí ku e ta kompletamente inosente i ku tur kos ta basá puramente riba redashi i finalmente el a bisa na wes pa disidí riba su libertat, su bida sí ta den man di Dios.

This content is exclusive for members

Register or login to unlock this article

Continue Reading

Lokal

Kon lo parti e 200 mion Euro di Reparashon?

Published

on

By

Parlamentario Osepa

WILLEMSTAD. Hulanda lo ke invertí 200 mion euro den proyektonan tokante konsientisashon di nos historia di sklabitut.

Kòrsou ta un pais diverso ku ta konsisti di 52 nashonalidat.

Den nos pais no ta tur pèrsona ta mira e importansia di rekonosementu, pordon i reparashon.

Hopi a sigui ku nan bida i ta posishona e historia di sklabitut den konteksto i tempu. Apesar di e diferente opinionnan relashoná ku e atrosidat di e historia aki, Kòrsou mester kuminsa prepara kon pa invertí parti di e 200 mion euro ku lo bini den diferente proyektonan riba nos islanan.

Nos mester tin garantía ku e parti di e 200 mion euro aki lo bai na bienestar di e pueblonan i esnan ku tin mas nesesidat di e sèn pa nan desaroyo.

Konsiderando tur esaki Osepa  a puntra gobiernu kiko ta e opinion di gobièrnu relashoná ku e presumpto intenshon di Hulanda pa pidi dispensa riba 19 desèmber 2022?

Si a involukra Korsou den preparashon di e evenementu aki i kiko pueblo di Kòrsou lo por spera di e despensa aki, den e sentido, ku ta djís un despensa i pasa pa orden di dia òf lo e ta un kulminashon di un evenementu?

  1. Gobièrnu ta na altura ku Hulanda tin intenshon di invertí 200 mion euro den diferente proyekto pa konsientisashon tokante e historia di sklabitut.

Osepa a puntra tambe si  Hulanda a ofrese gobièrnu partisipashon den selekshon di e proyektonan aki i ken lo supervisá e fondonan ku lo bini disponibel i asina garantisá ku e proyekto ta na bienestar di pueblo.

Continue Reading

Lokal

Biahenan pa eksterior sin resultado pa Kòrsou ta kontinuá!

Published

on

By

Anthony Godett

WILLEMSTAD – – Frakshon partido KEM a tuma nota ku turno a toka e biaha aki na 2 minister(señornan Javier Silvania i Ruisandro Cijntje) di gabinete Pisas 2, pa biaha pa Repúblika Dominikana.
Segun informashon suministrá pa e sekretario di Konseho di Ministernan(karta 25 di novèmber 2022 i ku a drenta parlamento ayera djaluna dia 28 di novèmber, 12.03 mèrdia), e 2(dos) ministernan ta biaha di dia 27 di novèmber te ku 4 di desèmber 2022 pa partisipá na e “XXV Conferencia de Zonas Francas Iberoamerica” di The Free Trade Zones Associations of the Americas (AZFA).
Frakshon KEM tin informashon ku e konferensha ta tuma lugá dianan 1 i 2 di desèmber na Punta Cana, Repúblika Dominikana, den e Hotèl Westin. Djarason dia 30 di novèmber tin programá un bishita na Parques Industriales de Zona Francas. Akinan a parti e gruponan den 2, unu pa shet’or di mainta i e otro pa och’or di mainta. Tarifa di entrada na e parke aki ta $ 300 pa kada miembro di AZFA.
Serka frakshon KEM e pregunta ta surgi mesora, pakiko mester a biaha tantu dia adelantá asina, pa asistí na e konferensha?
Frakshon KEM a bin komprendé, ku un delegashon amplio a realisá e biahe aki. Esaki ta nifiká atrobe gastamentu di plaka di pueblo, kaminda kantidat di hende ta pasando den temporada difísil, pa loke ta trata nan entrada!
4 tema lo ser diskutí durante e konferensha aki: 1.Teknologia/Inovashon, 2. Integrashon, 3. Sostenibilidat i 4. Resistensia.
Esakinan ta keda presentá pa señornan Mohamed al Muallem (visepresidente ehekutivo di DP World), James X Zhan(direktor divishon di invershon i empresanan di e konferensha di Nashonnan Uni tokante Komersio i Desaroyo), David Greenstein(fundadó/CEO di Wonder Brands), Antonio Novas Garcia(partner ehekutivo den kompania Mc Kinsey & Company).
Frakshon KEM ta di opinion, ku niun di e temanan ku lo wòrdu trata próksimamente, ta bai tin resultado pa pueblo di Kòrsou. Esaki , pa siguiente motibunan: 1. VISA pa bishita i kumpra den Zona Franka di Kòrsou. No tin determinashon pa realisá esaki. Tantu bal tin konektividat(aéreo) pero no tin posibilidat di/pa hasi negoshi. 2. No tin e faktornan kritiko di inovashon i teknologia nobo den Zona Franka di Kòrsou esaki ta nifiká ku no tin oumento di produktividat. 3. No tin integrashon i koperashon regional entre Zonanan Franka. Esaki ta stroba invershonnan i benta di tuma lugá. 4. E medio ambiente i e kambio klimatológiko. Mester tene kuenta, ku e kresiente prekupashon pa esakinan i pa Esaki pa e demanda kresiente pa produktonan mas sostenibel.
Frakshon KEM ta konkluí, ku partisipashon na e konferensha ariba menshoná ta di importansia. Esaki pa motibu, ku e invitashon a bini di e minister di Ekonomia i Komersio señor Victor Orlando (Ito) Bisonó, ku e 25 paisnan, ku ta forma e asosashon iberoamerika tei presente. Esakinan ta representá 700 Zona Franka, sòru pa 1 mion di trabou direkto i tin 10.200 empresa instalá den e 25 paisnan indiká. Simultáneamente mester atendé e 4 puntonan mas ariba indiká.
Frakshon KEM ta di opinion, ku NO por sigui hasi biahenan kostoso sin resultado.
Si riba tèrmino hopi kòrtiku NO eliminá e VISA, drecha e produkto pa ofresé invershonistanan i turistanan, Kòrsou ta keda dueila ku kranchi habrí.
Kòrsou su Zona Franka, si NO presentá un kambio den aserkamentu, maneho i tuma desishon, NO por kompetí ku otro Zonanan Franka den region.

Continue Reading

Lokal

Kolegio Erasmo ta selebrá luna di buki a la Bi-ba-bèrdè

Published

on

By

WILLEMSTAD- En konekshon ku Siman di Ban Lesa i luna di buki, Kolegio Erasmo a organisá diferente aktividat pa su alumnonan. E meta di e aktividatnan aki tabata pa animá e muchanan pa lesa i tambe alsa nan interes den buki. A habri e temporada ku Siman di Ban Lesa ku tabata mará na e tema di Bi-Ba-Bèrdè (Gi-Ga-Groen). Durante di e siman aki, diferente persona i outornan di buki, manera Richena Maduro, Denise De Jong-Rekwest i Ronny Lobo, a lesa buki pa e muchanan.
Despues di e siman di apertura, klasnan for di Yogatina (pre-eskolar) te ku grupo 8 a pone èkstra atenshon na tur loke tin di haber ku buki i kuenta. E muchanan a siña tokante di e diferente géneronan di kuenta, eskritornan i ilustradónan. Tambe nan a lesa kuenta pa otro i duna forma na e tema Bi-Ba-Bèrdè bishitando Curaçao Rif Mangrove Park pa siña tokante di e diferente sorto di pal’i mangel ku tin na Kòrsou, funshon di pal’i mangel, historia di e besindario di Ref i tokante di e flora i founa di e parke.
Pa sera e temporado, Kolegio Erasmo a invitá diferente persona konosí den nos komunidat pa bin lesa buki pa e muchanan. Entre e personanan aki tabatin nos minister president, Señor Pisas, Diannitsa Genaro, Glenda Sluis, Kate Ronald Martina Thielman, Judith Heldewier, Nihayra Leona, Bryan Goilo i Miriela Kwidama. Un tiki tokante di Kolegio Erasmo: Kolegio Erasmo un skol di fundeshi ku ta forma parti di Fundashon pa Skol Humanista na Papiamentu. Su fundeshi ta basá riba e filosofia Humanista i e ta e úniko skol na Kòrsou ku su idioma di instrukshon ta kompletamente na papiamentu. E aña aki Kolegio Erasmo ta selebrando su di 35 aña di eksistensia.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login