Deporte
Entre Klase A i Doble A: J’Dah Girigorie yegando 200 “Chocolate”….
E hobensita di 17 aña di edat J’Dah Girigorie e sensashon di nos softbol lokal ta den otro aña gran.
J’Dah Girigorie posiblmente awe lo por logra e kantidat di 200 ponche tirá e temporada aki den nos sòftbòl pitchando den klase A i doble A pa e tim di Souax.
E yu di Patrick den klase A a tira 33 inning, i poncha 77 batido.
E la tuma 13 inkogibel, tira 4 base por bola i tuma 2 kareda limpi.
Den doble A, J’Dah Girigorie a tira 61 inning, i poncha 121 batido.
E la tuma apénas 16 hit, duna 11 base por bola i 2 kareda limpi.
Entre klase A i klase doble, J’Dah a tira 94.1 di inning, i poncha 198 batido.
E la duna 29 hit, i apénas 4 kareda limpi pa un aktuashon simplemente sensashonal.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
