Deporte
El a bati su di 61 homerun i empatá ku Roger Maris: Aaron Judge:”Mi no ta nada sin mi famia”…
Aaron Judge ayera a bati su di 61 homerun di temporada i empatá e marka di homerun di Liga Amerikana ku Roger Maris a establesé na aña 1961.
Judge ku a bai basta wega sin por a bati homerun a rekonosé ku no ta fásil bati den stadion di Yankees ku 45.000 fanátiko riba pia gritando. Judge a duna krédito na su famia bisando ku sin su famia e no ta nada.
E bataso di Aaron Judge tabata den di 7 inning kontra di Tim Mayza i duna Yankees triunfo di 8-3 vs Blue Jays den un Roger Centre kargá ku fanátiko.
Aaron Judge ta den lucha pa triple korona.
E tin averahe di 313 meskos ku Luis Arraez, Xander Bogaerts su averahe ta di .309. Judge tin 61 homerun i 133 kareda empuhá. Judge lo por bira agente liber despues di temporada aktual. El a ninga di firma ku Yankees un akuerdo di 7 temporada pa $ 213.500.000.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
