Lokal
Ekspertonan no a presentá nan salario den Parlamento !
WILLEMSTAD – Mientras ku e ekspertonan no presentá e otro parti di medaya, parlamentario Amerigo Thodé ta bisa ku e no por huzga algu ku e no tin bista riba dje.
E loke ku e parlamentario a verwagt tabata ku e ekspertonan di NV-nan di gobièrnu ku último dianan a duna presentashon pa Parlamento, lo a presenta informashon di nan salario.
E ekspertonan a duna nan presentashon relashoná ku e preparashonnan pa introdusi e lei di maksimalisashon di salarionan top.
E liña kòra dje reakshonnan ta, ku e ekspertonan ta di akuerdo ku ta introdusi e lei, pero e mester bai entre otro na un manera hustu i segun e kalkulashonnan korekto.
Parlamentario Thodé ke sa na unda e ekspertonan a sali ku e informashon (inkorekto) ku e minister ta gana más ku 500 mil florin pa aña’. E parlamentario ta spera ku den e kontesta di e ekspertonan, splika di nan parti, kon nan ta kere ku e lei mester ta.
Riba e pregunta si e ta satisfecho ku e splikashon te ainda di ekspertonan pa Parlamento, parlamentario Amerigo Thodé a bisa ku e ta desaspunta, pasobra e ekspertonan no a presenta nan salario, pero si esun di esun di Prome Minister. Amerigo Thodé a remarká Prome Minister no ta gana e sèn ku e ekspertonan ta bisa.
Thodé:”Ami ta den e mesun skal ku Prome Minister i tur hende sa kuantu sèn mi ta gana. Nan sa tambe kuantu Prome Minister ta gana, pero ami si no sa kuantu e direktor di Banko Sentral ta gana’. Segun Thodé, ora ku ekspertonan ta papia di nan relato anual, nan no ta menshona e sifra spesifiko, pero solamente e totalidat.
Pa loke ta trata por ehempel Banko Sentral, Amerigo Thodé, ta dividi e 28 mion florin di gastunan di salario, den 200, por konklui ku komparativamente kada hende ta bai kas ku 140 mil florin pa aña.
Thode ta puntra na unda e balansa ta? Simplemente e no tei, e parlamentario ta argumentá. E proposisto pa sirbi e interes general tampoko no tei.
Ora ku tuma na konsiderashon e menos ku 60 mil hendenan ku ta traha i evalua e totalidat, por konkluiku 50 porshento ta gana salario minimo. ‘Esaki no ta un a balansa hustu’.
HISTORIA DJE LEI
Parlamentario Thodé, a splika ku e lei di maksimalisashon di salario, no ta algu ku e gobièrnu aktual a traha. E lei ei ta data for di ana 2016. ‘Ora ku e lei a yega Parlamento, i ku mi a bai wak e lei, mi a mira ku tin yen kos ku no ta bon den e lei’.
E ora ei parlamentario Amerigo Thodé a hasi un proposishon i Parlamento a bai di akuerdo kune, pa wanta e lei aworaki anto manda buska e ekspertonan. E intenshon ta tende nan, pa haña sa kiko ta e problema ku e lei, pasobra tur eksperto ta bisa ku e lei no ta bon. Thodé, ke tende dje ekspertonan kiko ta malu i ta kon e mester ta. Ta pesei tabatin e ronda di eksperto den Parlamento. No a kaba ainda, pasobra mester bin ainda, e ronda di gobièrnu, ku mester splika Parlamento, ta kon gobièrnu a yega na e lei. ‘Ora ku bo ta traha un lei, bo no ta trahe dor di tene kuenta ku bo so.’’.
A pasa e lei na 2016 pero no a publike. Dikon ?: Pasobra sindikatonan a welga, pa motibu dje lei normering topinkomens. Thode ta splika ku ora e sindikatonan a welga i VBC , Kamer van Koophandel i tambe e Nv-nan a kuminsa borota, a laga e lei para. Ta Hulanda a pone preshon aworaki riba e lei. Anto Hulanda a pone kondishon tambe. E kondishon ta, ku ta baha e salario di minister i parlamentarionan ku 25 porshento, anto pa perkura pa e amptenarnan haña nan 12.5 porshento di rekorte bek, mester pasa e lei aki. En total tin 8 kondishon, pero esnan di mas importante ta esnan ariba menshona.
E lei ta papia mas aleu di tres kos: E lei mester kumpli ku un wettelijke kader, kiermen e mester ta basa riba lei, e mester ta basa riba algemeen belang, e mester tin e proposito di sirbi un komunidat i e mester ta un ‘free balance’, e mester ta riba un balansa hustu.
E pregunta ta surgi segun parlamentario Thode, si e lei ta kumpli ku interes general.
E kontesta ta no, si mira e diskrepansia kiko un hende na Banko Sentral, kiko un hende na Aqualectra, na SVB, den nan relato annual, ta gana komparativamente for di esun mas abou, ku tin sueldo minimo.
WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.
KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.
WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.
Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.
Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.
Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).
Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).
Violensia relashonal
Kantidat: 15
Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.
WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.
Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na dutchcaribbean@jci.cc.
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
