Deporte
Eksitoso Trupial Classic 2022
WILLEMSTAD (C) – Ku partispashon di atletanan for di Repúblika Dominikana, St. Maarten, Suriname, Aruba, Boneiru i tur klup di atletismo di Kòrsou, klup di Atletismo Trupial por mira bèk riba un tremendo kompetensia di atletismo riba suela di Kòrsou.
Ku un pùbliko ku a grita, bati man i apoyá tur evento for di e promé relevo di kategoria U11 riba djabièrnè te e último evento di 100 m maskulino ku a tene tur hende riba pia.
Un evento ku a pone varios dirigente lanta djadumingu mainta sin stèm dor di a grita nan atletanan dos dia largu.
Un evento ku a krese i bira hopi grandi, ku pa e añanan ku ta sigui, mester inkluí un tim mas grandi pa por atendé ku tur e tareanan ku mester wordu hasí.
E evento tabata un estímulo pa e deporte di atletismo ku regular a produsí atletanan di taya mudial pa Kòrsou.
Por mira tur resultado riba e site di federashon di atletismo CAB riba “atletiek.nu”/ Curaçao / Trupial Classic 2022.
Direktiva di klup Trupial ta yama danki na tur pero tur boluntario ku a yuda den e evento aki.
Un danki spesial na tur nos sponsor nan ku a sostené e evento. Sin boso nos no por a realisá e evento aki.
Atletanan di atletismo ta drenta un temorada di sosiegu i pa luna di ougùstùs nos ta kuminsá den full training pa temporada 2022 pa 2023.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
