Deporte
Eks peloteronan di dje a perkurá pa esei: … Rekonosementu pa dirigente “Gengu” Hooi….
Djasabra último eks peloteronan ku a kuminsá ku baseball serka e eks dirigente Roland, “Gengu” Hooi enkabesá pa Marlon Louisa a duna nan eks dirigente i mentor Roland, “Gegu” Hooi tremendo homenahe i rekonosementu.
Tabata un atardi inkreibel na Caracasbaai kaminda ku eks peloteronan manera: Dr. Fitzgerald, “Jerry” Semper, Reumert Monte, Remick Bernadina, Richard Leito, Fransje Lambertina, Sherman Aniceta, Rudson Mauricia, Robertico Ramazan, Myron Petrona i rumannan Valies.
Tambe den e atardi di homenahe i rekonosementu pa Roland, “Gengu” Hooi tabata presente e “coachnan” di Manager Hooi: Ellis Martina, Henry Suarez i Eric de Windt. Tabata un atardi realmente bunita kaminda eks pelotero a manifestá nan apresio pa nan máksimo dirigente.
Tambe “Gengu” Hooi a haña vários regalo pa asina rekordá e gran dia aki.
Un pabien na Roland, “Gengu” Hooi, i hopi danki na e eks pelotero pa loke nan a hasi pa nan dirigente ku meresé sigur, paso mas ku dirigente e tabata un guia pa nan den bida.
Dios duna amigu “Gengu” Hooi hopi aña mas di bida i salú.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
