Connect with us

International

Eks diputado Hondureño metí den narkotráfiko kaptura kla pa keda ekstraditá

Published

on

Midence Oquelí Martínez a keda detené na departamento de Colón.

TEGUCIGALPA – Midence Oquelí Martínez eks diputado Hondureño kende Merka tin algun tempu ta buskando pa trafikashon di droga i arma a keda detené den fin di siman ku a kaba di pasa.
Oscar Fernando Chinchilla fiskal general di Repúblika Hondureño a konfirmá ku djasabra Midence Oquelí Martínez a keda detené na departamento de Colón.
Midence Oquelí Martínez tabata minister pa Partido Liberal di Honduras durante e períodonan 2010-2014 / 2014-2018 i tabata liga ku kartel de Los Cachiros.
Fiskal Oscar Fernando Chinchilla a bisa ku Midence Oquelí Martínez no solamente tabata liga ku kartel de Los Cachirso sino tabata laba plaka tambe pa e kriminalnan aki tantu na Honduras komo na Merka. Midence Oquelí Martínez a keda trasladá ayera ku eskolta di militar pa Tegucigalpa kaminda e mester presentá dilanti un wes i pa despues prepará su dokumentonan pa ekstradite pa New York.
Fiskal general Oscar Fernando Chinchilla a splika ku outoridatnan na Honduras entre 2014 pa 2022 a entrega 34 Hondureño na hustisia merikano. Entre esnan ku a keda ekstraditá pa Merka ta figura aña pasa eks presidente Juan Orlando Hernández (2014-2022) i eks direktor di Polis Nashonal Juan Carlos Bonilla.

Continue Reading

International

Kamala Harris lo asistí na entiero di Tyre Nichols

Published

on

By

Kamala Harris vise presidente di Merka tambe lo ta presente awe na entiero di Tyre Nichols.

MEMPHIS – Awe lo tin entiero di Tyre Nichols kende ta e hòmber afroamerikano ku a keda asesiná ku gòlpi pa 5 agente polisial pretu na Memphis.
Kamala Harris vise presidente di Merka a anunsiá na familiarnan di Tyre Nichols ku elo bai ta presente.
Reverendo Al Sharpton tambe lo ta presente na e entiero di Tyre Nichols pa asina trata na mantené kalma.
Ta spera ku na e entiero aki lo bai tin bastante manifestante teniendo kuenta ku polis ta bolbe kometé un fayo garafal di asesiná un hòmber pretu indefenso.
E biaha aki no ta polis blanku ku ta bati un afroamerikano mata sino 5 agente polisial pretu ku a hinka nan kurpa den bastante problema ku hustisia.
Tyre Nichols a muri den un hospital na Memphis dia 7 di yanüari despues ku agentenan a batié durante mas ku 10 minüt.

 

Continue Reading

International

Tiroteo na Lakeland a laga un saldo di 10 herido di kual 2 ta den estado kritiko

Published

on

By

Sam Taylor hefe di kuerpo polisial na Lakeland

LAKELAND – Sam Taylor hefe di kuerpo polisial na Lakeland a konfirmá ku tin un investigashon andando relashoná ku un kaso di tiroteo na un bario marginá kaminda hóbennan tin kustumber di ta bende mariwana.
Lokual a pasa segun Sam Taylor ta ku un grupo di hóben tabata supuestamente bende mariwana bou di un palu na un konosido bario marginá na Lakeland ku yama Cumberland.
Aparentemente un vehíkulo kolo blou ku 4 persona abordo a pasa basha bala riba e grupo di hóbennan ku tabata bendiendo mariwana na e skina di kaya.
Sam Taylor a splika ku despues ku e kriminalnan a kaba di kometé e krímen aki a nan a bati retirada.
Un total di 10 hóben di entre 13 pa 17 aña a keda transportá pa hospital na Lakeland.
Sam Taylor a splika ku dos di e víktimanan mester a keda transportá ku helikòpter pa Tampa debí ku nan ta den estado kritiko.
Sam Taylor a splika ku ayera tardi nan a logra lokalisá e outo ku e kriminalnan aki a kometé e krímen pero te ainda no a arestá ningun hende.
Lokual si tin informashon ta ku algun di e víktimanan a konfirmá na polis ken ta esnan ku a pasa basha bala.

Continue Reading

International

Gobiernu di Ukrania: Ta prohibí su funshonarionan di rango haltu bai ku vakashon

Published

on

By

Andrey Demchenko bosero di gobiernu Ukraniano..

KIEV – Andrey Demchenko bosero di gobiernu Ukraniano a konfirmá ku Kongreso a firma un resolushon kaminda ta prohibí tur alto funshonario bai ku vakashon den ekstranheria.
E resolushon gubernamental aki a keda aprobá i adaptá pa entrante djabièrnè próksimo ku ta nifiká ku miéntras tantu Ukrania keda invadí i ataka pa Rusia ningun funshonario di entre 18 pa 60 aña tantu hòmber komo muhé por bandoná pais.
E motibu ta debí ku esnan ku a bai ku vakashon pa paisnan den Union Europeo of Merka ningun a bolbe bek.
Andrey Demchenko a splika ku tin mas ku 2 mion Ukraniano a bandoná e lucha i ku awor ku Rusia a bolbe intensiva nan atakenan mester a adaptá e resolushon.
E úniko manera ku un funshonario di rango haltu por bai di vakashon ta si nan mester bai bishita nan yunan of pa asuntu médiko.
E kontrol lo bai keda bon kontrolá tantu na frontera komo na aeropuertonan na Ukrania.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login