Deporte
E slengu a yega te den di 8 inning ku “no hit no run”: Anthony Rizzo:”Hopi dushi hunga ora Cortez ta pitcha”…
E lansado slengu di New York Yankees Nestor Cortez a yega te den di 8 inning ayera ku “no hit no run” tirá.
E la rekonosé ku for di tempran e la sinti ku e ta atakando e zona di strike sumamente bon.
“Segun e wega tabata bai m ‘a sinti mi mes poko nervioso”, e la rekonosé.
Nestor Cortez a tira 103 bala, e la bai 7.1 di inning, i poncha 11 batido.
E la habri di 8 inning ku “no hit no run”, i permití un hit kontra di e di nuebe bate di Texas Rangers.
E primera/base di Yankees Anthony Rizzo a deklará ku hunga ora ku Cortez ta pitcha ta dushi.
“E ta asina for di dia kumi a yega aki”, asina Rizzo a deklará.
E wega a yega di 8 inning 0-0, tabata den di 8 inning ku Aaron Judge a bati di hit ku 1 out, i skor riba un bataso di Anthony Rizzo pa left/center for di primera/base.
Nestor Cortez su efektividat ta di 1.15.
E la bisa ku e ta hunga baseball for di dia e tin 4 aña di edat.
“Mi ta sinti manera ta e úniko kos kumi por hasi”, e la deklará.
Aroldis Chapman a tira e último inning pa salba e wega.
Clay Holmes ku a drenta di relevo a gana e wega.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
