Deporte
E Pirata no ta na soño..nan ta gaña kabishá: “Wecho” Schoop i Juremy Profar den tapara ??? Nan tin di trese pitcher si….
Deporte 5 Syar ayera tabata den un grupo di hende ku stima baseball.
E topiko tabata kon Wild Cats a reforsa nan plantel. Cats ku “Shai” Martis, Jonathan Willems i Dudley Leonora a reforsa formal i ta hole otro titulo.
Sta. Maria Pirates ku ta un tim grandi ta manera ketu.
Un hende ku ta basta serka a sigurá 5 Star ku Sta. Maria no ta na soño, i ku kisas nan ta gaña “kabishá”, pero ta siguiendo tur desaroyo ku “wowo di falki”.
5 Star a aserka un amigu di nos ku ta integrante dje organisashon Pirata ku riba su “FB” a laga komprondé algun kos ei.
5 Star a saka afó ku tin dos pelotero grandi den tapara pa e tim di Sta. Maria Pirates di Kenneth Gijsbertha i Jonathan Schoop.
Segun e amigu di nos, Sharlon, “Wecho” Schoop ku ta ruman di Jonathan lo ta na Kòrsou i lo hunga pa e tim di su bario.
Tambe Juremy Profar lo por ta bek ku e tim Pirata si e no tin mas kompromiso den eksterior.
Riba e pregunta na nos amigu ku si Sta. Maria no ta bai buska pitcher ??
E la pidi nos pa keda trankil, paso miéntras nochi sera, kareda di biná no a kaba !!
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
