Deporte
E la traha 67 aña ku nan: Vin Scully e bos di Dodgers a fayesé…
E legendario bos di e organisashon di Los Angeles Dodgers ku ta Vin Scully a fayesé ayera na edat di 94 aña.
Vin Scully a traha ku e organisashon di Dodgers komo anunsiado pa mas ku 67 aña.
E tabata un dje bosnan den deporte di mas konosí na mundu.
Fuera di baseball, e la hasi e trabou tambe ku NFL.
Scully tabata un figurá hopi stimá no pa Dodgers so, pero pa tur ku tabata sigui deporte.
Scully a drenta Salon di Fama di Baseball.
Yasiel Puig su manehá tabata,”Bo a dunami e nòmber di “The Wild Horse”.
Bo a brasami manera un Tata, danki pa tur kos.
Lo bo ta semper den mi memoria”.
Rob Manfred komisionado di baseball a bisa ku Scully tabata un ikono di deporte.
Un di esnan di mas grandi di tur tempu.
Ounke e tabata di Dodgers Vin Scully semper a bisa loke ku e la mira.
“Mi ke papia loke mi wowo a mira, no loke mi kurason ta sinti”, Scully a yega di bisa.
E tabata un hòmber katóliko ku promé ku e bin su trabou tabata asistí na Santu Sakrifisio di MISA.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
