Deporte
E Gran Fighting Mack a bai sosegá… ..Su nòmber mes ta: Edwin Alberto…
E gran eks bòksdó Edwin Alberto, alias Fighting Mack a bai sosegá den e fin di siman ku ta tras di lomba.
Edwin Alberto, alias Fighting Mack ta un mucha di Bándabou ku a lanta den bòkseo serka su Tio ku Pedro “Shonpe” Hooi.
Fighting Mack su karera impreshonante den bòkseo a inkluí un titulo di kampeon di Europa kategoria welter.
E bòksdó YDK a sorprendé e Italiano Carmelo Bossi pa asina bira kampeon welter di Europa.
Mack a pèrdè e titulo despues.
Tambe Fighting Mack a yega di bringa e kampeon mundial Jose Mantequilla Napoles.
Fighting Mack, segun dato di amigu Ivan Zamuco Conradus a gana 28 kombate di kual 20 pa via rápido.
Fighting Mack tabatin un gòlpi realmente devastador. Hopi hende serka di bòkseo ta sigurábo ku si Fighting Mack lo a dediká poko mas na serio ku e lo a gana e titulo mundial sigur.
Fighting Mack sigur ta un di nos boksdonan YDK di mas grandi di tur tempu. Kondolensia na famianan di Edwin Fighting Mack Alberto.
Ku nos amigu sosegá na pas !!
Fighting Mack ta primu di nos amigu Aishel Hooi.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
