Connect with us

Lokal

E bòm mester rementá: Gobiernu ta partisipa i tolera sklabitut moderno!

Published

on

Minister Javier Silvania ta bai sera tur kaha na Ontvanger

This content is exclusive for members

Register or login to unlock this article

Continue Reading

Lokal

Parlamentonan di Kòrsou, Aruba i Sint Maarten a kobardiá ante Ulanda

Published

on

By

DEN HAAG. Loke nos a mira ta sosodé masha tempu kaba den nos pais, esta ku ta masha fasil pa zundra politikonan ulandes for di un distansia komo parti di Reino i komo patrosinadó di nos ekonomia na lugá a siña papia nan idioma pa por a komunika ku nan a pie de igualdat.
Nos a yega ne konklushon aki pa dos motibu: no por pone dede riba ún kos konkreto ku e delegashon a hasi pa forma union pasobra ni Aruba ni Sint Maarten no ta interesá den e punto di bista di Korsou.
Prueba di esaki ta e hecho ku entre nan ku nan mes no por a yega na un akuerdo riba kon ta bai atendé puntonan di desakuerdo politikamente ku e makambanan.
Sikiera pa desensia e delegashonnan por a manda un mensahe delantá pa Ulanda ku e tres paisnan ulandes den Karibe no por a yega na un akuerdo ku otro riba nan vershon alternativo pa resolvé disputa.
I no a sorprende masha hende ku te na final di dia presidente seshon a informá ku a anulá e punto di diskushon sin duna splikashon.
A keda na kada delegado individual of konhunto pa adivina ta kon bin e aktitut di union ku tabata reina por a kambia asina drastiko.

AREGLO DI
DISPUTA
E pre-historia riba riba e asuntu kon ta resolve disputa no ta dje bieu ei. E ta data di 11 aña pasá ora ku na 2010 a hinka un klousula den Statut ku mester traha un lei pa resolve disputa.
A traha un komishon ku pa demostra nan importansia no kier a yega na un akuerdo i tabata èks minister Plasterk kende a kibra un impasse presentando un lei ku no a satisfase ningun hende.
E palabra malu den e lei tabata ku ela yama Lei di Konsenso, un palabra ku ningun dje parlamentario den Karibe no a siña na skol Knops tabata mas bibu i ela revoká e lei i laga parlamentonan di e tres paisnan den reino mes bin ku nan lei.
A sigui Knops kende no tabata refina pero praktiko i a hinka e lei den lachi.
Di manera ku e parlamentarionan tin algu pa nan papia riba dje dia tene e proksimo IPKO……

Continue Reading

Lokal

Ta kiko parlamentarionan a bai hasi Ulanda anto?

Published

on

By

WILLEMSTAD. E reunion ku a tuma luga den kuadro di e reunionnan bi-anual entre partnernan den Reino apenas a pasa su promé dia di supuesto deliberashon ku Ulanda a resulta den un blamage pa Kòrsou for di momento ku e lider di delegashon di MFK, Thodé, a tene un diskurso ku si ela usa e idioma di Swahili, e lo a hasi mihó papel.
For di momento ku Thodé a kuminsa papia, sin por yuda nos a pensa riba difuntu Doktoor da Costa Gomez kende a presta pa tene un diskurso di komo 4 ora largu den nos parlamento di aquel entonces komo arma politiko pa desorientá su kontrinkantenan politiko den parlamento.
Esei mes tabata un barbaridat insólito pe tempu aya pero sikiera e ilustre politiko a hasi alarde di su dominio di palabrareria pa ridikulisá su rivalnan den politika kendenan no tabata analfabetiko den e materia pero mester rekonosé ku Doktoor a inventá un arma ku nan mester a rekonosé komo original i difisil pa imitá.
(Mester nota sí ku e tempu ei tabata pèrmiti pa dal bitter den parlamento i mas e alkohol tabata kore, mas lòs e lenganan tabata bira).
Frakshon di Democraat komo e rival historiko di Nashonal i COP (partido di ulandesnan den enseñansa i employé na Isla) a kai grandiosamente den e trampa di Doktoor.
Komo kontrinkante di debate nan a laga un miembro ku pasobra e tabata selador ku rango di referendaris loke ta nifiká ku e mester tabata sa lesa i skirbi, pa e surpasá Doktoor ku un diskurso mas largu. Ora ku e kronómetro a mustra ku ela surpasá durashon dje diskurso di Doktoor i a entrega palabra na presidente di parlamento, a toka na Doktoor pa replika i ela hasi esei ku e frase historiko pa eternidat: “Abrir la boca no es hablar”. Einan tur diskushon a kaba. Esnan ku no ta kere ku esaki tambe ta forma parti di nos folklor politiko, nos ta rekomendá nan buska den archivo di parlamento di tempu ku tabata traha minutas dje reunionnan nèchi imprimi na Curacaosche Courant di aquel entonces.
Honor a la verdad nos mester atmiti ku e loke nos tabata pa inmortalisa ku nos pèn awe a desviá ku e tema mes ku nos kier a bòrda riba dje ku te diskurso di e lider di frakshon di MFK, Thodé, i lamentablemente di henter e delegashon di Kòrsou lo haña un lugá aparte den e edishon di awe.

Continue Reading

Lokal

Kastigu di 12 luna presu pa Mama di 4 yu na Ulanda ku a kobra € 197.495,- ilegal

Published

on

By

WILLEMSTAD. Dos siman pasá un tribunal na Rotterdam a dikta un kastigu di 12 luna di prison pa un señora ku 10 aña largu (!!) a falsifika dokumento di belasting ku kual ela kobra kasi 200.000 florin Kurasoleño supuestamente pa kompletá pago pa kuida su 4 yunan na institutonan di mucha chikitu pero ta ku dokumento falsifika ela kobra e sèn na servisio di Belasting.
Dos siman pasá korte a trata e kaso kaminda Ministerio Publiko a akusá un señora di fam Michel di a kohe nan kabes’abou dies aña largu pe montante ku konverti na florin di Kòrsou ya ta kasi 400.000 florin.
E kos aki manera nan ta bisa na varnakulo, no ta yu di mama sino ‘tribu di mama’ por a kria ku sèn ku Servisio di Belasting a pag’é.
Korte a kondená e señora pa falsifikashon di dokumento i labamentu di plaka ku a meritá un kastigu di 12 luna.
Mañan ta hasi un luna ku wes a atendé e kaso i dikta sentensia mesora.
Servisio di Belasting a konsedé e señora e kompensashon ya menshoná pasobra ela hañ’é ku forsa retroaktivo. Fiskal a haña e kaso asina grave ku ela pidi 14 luna di kastigu di prisòn pasobra ta un estafa del carajo e señora a kometé.
Belasting ta paga e kompensashon aki pa promové i stimulá mayornan kombiná trabou pafó di kas i alabes paga pa kuida yu. E kompensashon yama Wet Kinderopvang (WKO).
Uniko kos ku e mama mester hasi ta laga un instansia pidi pa e yu bai un kinderopvang legal of sigi un trayekto di reintegrashon di ta hende ku tin un kondena i firma pa e kantidat di oranan ku e nan tin ku bai e sentro.
Servisio di Belasting ta duna e mayor un Toeslag ku nan por haña hasta ku forsa retroaktivo i ora aña bòltu e ta sigi kore outomatikamente.
I mas importante ainda, no tin nodi pa pidi un pèrmit nobo pasobra esun koriente ta sigi válido.
Ta solamente si salario dje señora kambia e tin ku registrá esaki ta un formulario ku e ta manda pa Belasting.
No ta kontrolá tur petishon sino ta tene ‘steekproef’.
Den e kaso aki wes a konstatá ku e formulario ku e señora a usa tabata falsifika. Otro ku a hala atenshon di Belasting a konstata ta ku di e sèn ku nan a pone riba su kuenta e no a paga e sentronan infantil.
E señora no por a ninga ku te mes a falsifika e formularionan pa kobra e ayudo sosial.
E no tabatin kómplise pasobra su kasá Michel no a pasa ni banda dje papelnan.
E manera ku e señora a haña sèn di belasting ta mediante froude ku ta un delito pasobra e no tabatin derecho riba e sèn.
E muhé tabatin tur formulario di banko loke a fasilitá pa Belasting saka sòm dje froude.
Duarte 10 aña e señora a hunga e wega aki i a kobra 197.495,- euro i posiblemente mas i awor e tin ku paga pe eror aki ku su libertat.
Wes a tuma e señora masha na malu loke ela hasi pasobra ela abusá si un sistema ku gobiernu a lanta pa mayornan por a sigi traha i gobiernu ta paga pa kuida nan yunan.
Den e kaso aki Belasting a konfia riba e datonan ku e señora a duna i ela kue nan kabes’abou.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login