Deporte
Duelo di Messi i Mbappe: Argentina a bira kampion mundial 2022
DOHA (C) – E kampionato mundial ayera e terminá ku e partido entre di Fransia kontra di Argentina
Tur esaki a tuma luga den e stadion nobis nobis ku ta Lusail .
Aki e dos ekiponan a enfrenta otro .
Ta mas bien un duelo entre di Lionel Messi i ta hóben Kylian Mbappe
Tabata e ekipo di Argentina kende a pika dilanti pa medio di un pena máksimo kual a keda kobra dor di Lionel Messi.
Esaki a tuma luga den e promé tempu na di 23 minüt.
Na di 36 minüt e hungadó Angel Di Maria ta risibí un bon pase kual e ta penetrá di fusilá e portero di Fransia pa hasi e wega 2-0.
E ekipo di Argentina tabata dominá e wega kompleto i no ta duna Fransia espasio pa por hunga.
Kasi bo por a tuma nota ku Mbappe no ta den wega paso e no ta risibí bala pa e por a bira peligroso.
Den di dos tempu e ekipo di Argentina ta sigi dominá e wega.
I di mes ta lansa atakenan pero ta danki na e portero di Fransia ku e skor no a bira mas grandi.
E direktor tékniko di Fransia a kuminsá hasi su kambionan i faltando 10 minüt promé ku wega kaba esaki ta duna fruta.
E delantero Muandi ta bai laga e defensa di Argentina i e ta keda tumba den área penal. Mesora e árbitro ta pita pa pena máksimo.
Mesora e hábil hungadó Mbappe ta para tras di e bala I e nota p’asina kòrta e bentaha I pone wega 2-1 pa Argentina.
No a dura ni un minüt despues di esaki ku Mbappe ta bai laga i skòp e bala den gol pa empatá e wega.
E stadion a basha den otro paso for di e momentu ey e wega a bira un karga ku emoshon. Mester a bai èkstra tempu.
Den e tempu èkstra aki Messi ta nota pa hasi e wega 3-2
Argentina a kere kaba ku nan a gana e wega. Pero Fransia no ta entrega i ta sigi ataka i pa mala suerte di e defensa di Argentina kende ta Montiel ku e bala ta dal den su man.
Esaki ta bira mesora pena máksimo i atrobe ta Mbappe ta bin kobra pa empatá e wega na 3 gol.
E tempu èkstra tambe ta pasa i ta bai na tiramentu di pena máksimo.
E ekipo di Fransia pa medio di Mbappe ta Sali I kobra ku éksito I ta pika dilanti.
Pero Argentina pa medio di Messi ta empatá.
Despues kosnan ta sali na malu pa Fransia paso e ta bin faya 2 pena máksimo tras di otro i Argentina si ta nota.
Gonzalo Montiel ta esun ku ta hinka e gol p’asina duna Argentina e viktoria.
Nan ta gana pa medio di pena máksimo 4-2.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
