Connect with us

Uncategorized

Domingo German lo ta bek pitchando pa Yankees…. Awe vs Indians..

Published

on

Domingo German.

This content is exclusive for members

Register or login to unlock this article

Continue Reading

Uncategorized

Pa trabou no akabá….. Korte a ordená kontratista pa paga kliente kasi Naf. 48.000

Published

on

By

WILLEMSTAD. Un kaso ku a tuma lugá den Korte un dje dianan aki a resultá den un veredikto kaminda un kontratista lokal mester paga un kliente ku kual e tabatin akuerdo ku pa hasi un konstrukshon pero no a kumpli ku su parti awor e kontratista mester paga e kliente komo 48.000 florin di kompensashon.
Si Steel Solutions no kumpli ku e veredikto e kompania tin ku paga e Universidat 400 florin di daño perwisio pa dia.
Caribbean Medical University a demanda MM Steel Solutions ku a rekonosé ku nan a faya pero a pidi korte pa deskontá e suma ku e debe CMU.
Solamente kue suma ku por deskontá no ta yega ni na pia sushi dje montante ku e kontratista debe.
Pa kolmo ora korte a trata e demanda, e kontratista no a presenta sin duna motibu pero basikamente a proponé pa deskontá un parti dje faktura pa material ku e no a entrega a rason di ‘Sandwich Panel for Roof’ i ‘Purling Support’, pa un total di xxxxxx ku e kontratista a traha pe universidat.
I aki e doló ta sinta pasobra e trabou ku e kontratista a presta bal solamente 2500 florin.
E kontratista no por a defende su kontra demanda pasobra e no a ni presenta den korte.
Pues ta 2500 florin so e kontratista por deskontá for di loke e mester kompensá ne universidat.
Na final wes a disidi ku e kontratista debe
NAf 3.542,50 plus e gastunan di korte pa nan kobra e suma pa trabou ku e kontratista no a presta pero ariba di esei korte a anulá un faktura dje kontratista a rason di NAf 44.688,58 kitando 2500 florin ku mester deskontá.
Gastu dje kaso den korte a sali NAf 3.542,50.

Continue Reading

Uncategorized

Na Iowa: Adolesente (18) a asesiná 2 studiante i herida 1 hòmber

Published

on

By

Preston Walls/William Holmes

IOWA – Paul Parizek bosero di kuerpo polisial na Iowa a konfirmá ku ayera durante dia sentral di polis a risibí yamada pa manda patruya na un lokalidat na Des Moines.
Lokual a pasa ta ku un adolesente identifiká komo Preston Walls (18) ku ta pertenesé na un geng kriminal na Des Moines a bai na un lokalidat kaminda hóbennan positivo ku tambe tabata den geng ku a kuminsá ku un programa ku yama Starts Right Here.
Preston Walls aparentemente tabatin banchi na su pia pero asina mes a bai menasa e adolesentenan ku tabata serka William Holmes (49).
Paul Parizek a drenta den e lokalidat i menasa William Holmes pa e para ku su programa sino elo paga su lus.
Den e lokalidat tabatin dos persona mas ku William Holmes ku ta dos adolesente di 16 aña i 18 aña di edat. Preston Walls a saka su arma di kandela i tira e dos adolesentenan mata i herida William Holmes. Preston Walls a buska manera pa hui pero polis a yega nèt na tempu pa detené pa e kaso di asesinato di dos persona i intento di asesinato di e hòmber.

Continue Reading

Uncategorized

Hòmber Iraní a keda asesiná despues di selebrá derota di su pais kontra Merka den Mundial

Published

on

By

Esaki ta Mehran Samak (27) ku a keda asesiná di vários tiru di bala debí ku e tabata selebrá viktoria di Merka riba Iran.

TEHERAN – E mundial di futbòl na Qatar aki a trese bastante drama tantu riba vèlt komo den kaya ora fanatikonan ta selebrá viktoria of derota di nan selekshon.
Kiko a pasa na Bandar Anzali ku ta keda na parti nortost di Teheran ta ku un hòmber Iraní identifiká komo Mehran Samak (27) fanátiko di selekshon nashonal di futbòl di Merka a sali un bar i tabata kontentu ta selebrá.
Tabatin hopi fanátiko di Iraní riba kaya rabia i e último lokual nan tabata kier a wak ta un fanátiko di Merka nan dilanti ta selebrá.
Mehran Samak konosí komo un tipo instigador a disidí na bai selebrá viktoria di Merka pasando den kaya ku su outo ta basha pitu i grita ku Merka a gana Iran. Den e kaso aki Mehran Samak su festeho no a dura largu ya ku e no a yega muchu leu for di e bar ku ela sali ya ku fanatikonan di futbòl Iraní a sefta su outo ku bala.

 

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login