Deporte
Djasabra awor na “Bam’Bam” den Sambil: “Homerun Derby” pa gana 500 FL… Tur hende por partisipá !!
• Djasabra awor na “Bam’Bam” den sentro komersial Sambil ta bai tin un grandioso “Homerun Derby” ku ta kuminsá for di 9or di mainta, i finalisá te ku anochi.
Ta bai ta un kompetensia di bati homerun kaminda tur hende por partisipá. Lo ahustá na edat, i tambe lo ahustá hende muhé den e kompetensia. Lo bo por skohe e “Ballpark” preferí dibo den Grandes Ligas o tambe esun di “College” na Estádos Unídos. Esun ku bati mas homerun den un buèlta ta e ganadó. Lo kobra 1 florin pa bala. Na final esun ku gana ta risibí 500 florin. Pa e tremendo “Homerun Derby” aki Monifa Jansen lo ta “Guest-Bartender” i “Big-D”, Mr. David Clementina lo ta e anunsiado ofisial. Ta spera tur hende ku ta gusta swing bate i ta pensa ku nan por dal homerun pa tei. Ffor di mucha te veterano ta invita na Sambil serka nos amigunan di “Bam’Bam Tech Sport-Zone”.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
