Connect with us

Lokal

Djabierne awor na Ulanda: Ta Awor numa Rhuggenaath ta bai regla kos ku ela bisa ta reglá kaba

Published

on

WILLEMSTAD. Ayera promé Minister Eugene Rhuggenaath a tene un diskurso Nashonal pa anunsiá avansenan signifikante riba e kombersashonnan ku a hiba último tempu ku Hulanda, pa yega na un akuerdo pa finansiamentu i kolaborashon duradero.

This content is exclusive for members

Register or login to unlock this article

Continue Reading

Lokal

No por deskonta Penshun di Behes durante periodo ku ‘uitgezonden kracht’ a traha na Kòrsou sin ku a paga su prima di AOW

Published

on

By

WILLEMSTAD. Penshun di Behes ta un asuntu sagrado den e historia relativamente di Kòrsou despues ku nos pais a bira Outónomo i Partido Demo-craat a introdusi Penshun di Behes.

E promé Penshun di Behes tabata 60 florin pa luna te ku gradualmente ela subi bira 865 florin pa luna!
E ta un komponente indispensabel den gastunan di famia di un luna.
Na mesun tempu pa por kobra e penshun sin deskuento, e doño di trabou tin ku aportá su parti tur luna i si por ehempel un persona no ta na Kòrsou i no por paga i su doño di trabou tampoko por paga prima, ta deskontá un porsentahe for di e Penshun di Behes tur luna.
Un strañero ku bin traha 5 aña na Kòrsou komo ‘uitgezonden kracht’ tin ku paga prima meskos ku un trahadó lokal i si no paga e prima, SVB ta apliká un deskuento.
E siguiente kaso ta interesante pasobra ta trata di un ulandes europeo ku a traha na Kòrsou for di mart 2001 te ku desember 2006 pa un empresa ulandes.
Pa motibu di su ousensia for di Ulanda, e no a kontribui na su penshun di behes ulandes pero e homber no tabata di akuerdo ku e regla aki i no por kobra su full penshun na Ulanda.
E ulandes a kuminsa dia promé di mart 2001 i komo Manager Personeel i Organisatie Caribbean.
Dia 15 di mart 2001 e kompania a mandé Kòrsou pa sinku aña.
Durante su trabou na Kòrsou no a paga su prima di Penshun di Behes na Ulanda pero pa tapa e buraku aki e kompania a sera un seguro di penshun pe serka Zwitserleven.
Trahando na Kòrsou e ehekutivo a forma un fondo di penshun di behes pagadero dia e hasi 65 aña.
E ehekutivo a paga parti dje prima te dia ela retorna Ulanda 15 di mart 2006 i a bai traha pa un otro empresa.
Edat di kobra penshun di Behes a subi gradualmente for di 2013 i na aña 2027 e por kobra Penshun di Behes na Ulanda.
Via ku e tabata sigurá durante 5 aña na Zwitserleven SVB a apliká un deskuento di € 12.792,- netto.
E problema ta ku su doño di trabou a para e seguro na SVB i a sigur’é na Zwitserleven ku no ta paga mes tantu penshun ku SVB.
E kompania no informe ku dje manera aki e ta kobra un penshun basiko muchu mas abou ku esun di SVB.
E kompania no a kumpli ku su promesa i nan a paga e prima na Zwitserleven pagadero € 16.835,- entrante yanuari 2019.
Pero ta e ehekutivo mes mester a re-sigura su mes na SVB.
E ehekutivo tabata konsiente ku durante su estadia na Kòrsou e tabata sigurá serka Aegon i Zwitserleven pa su penshun i no serka SVB.
Pa su mala suerte e loke e ehekutivo ta reklama a kaduká pero ni asina e ehekutivo no a bai atras pasobra su kalkulashon no ta kuadra pasobra e lo baha ku penshun ku 67 aña i no 65 aña manera ela pensa.
Por lo tantu ela pèrdè e kaso.

Continue Reading

Lokal

Oumento di rango na Aqualectra a kaduká ora ku a kambia di nomber

Published

on

By

WILLEMSTAD. No por kalifika e esfuerso di un ingeniero ku ta for di 21 di mei 1979 den servisio di Aqualectra komo susesor di KAE N.V sino komo tenas pero na final ela pèrdè e bataya pa haña oumento di salario ku forsa retroaktivo for di 1999.
E ingeniero a drenta den servisio di Aqualectra den rango di Ingeniero D na 1979.
Foi mart 1996 a klasifik’é den skal 10 i despues skal 11.
Na 2002 Aqualectra a introdusi un sistema nobo di evaluashon di funshon.
Na 2006 a bolbe klasifiká e ingeniero i a klasifiká den skal 12 igual na skal E ku forsa retroaktivo.
Na 2012 Aqualectra a informa e ingeniero ku a bolbe revaluá su funshon ku awor ela bira skal F ku a enserá un kambio di salario pa skal F ku forsa retroaktivo te 1 yanuari 1999. E ingeniero a bai korte pa eksigi nan hink’é den skal G pero Korte a ninga esaki.
E ingeniero a bai den apelashon pero a bolbe pèrdè e kaso.
Na 2017 e ingeniero a pidi korte pa deklarà ku Aqualectra a aktua kontra regla di bon empleador dia nan a revalua su funshon na yuli 2012.
Por lo tantu ela pidi pa Aqualectra pagé daño i perwiso pero korte a ninga i e ingeniero no a apelá.

DEMANDA NOBO
E ingeniero a pidi resientemente pa dikta ku Aqualectra no a aktua manera un bon doño di trabou kune i ku e kompania mester paga diferensia di salario ku forsa retroaktivo for di 1 mart 1996 i un suma di daño i perwisio.
Ela argumento ku dia 1 mart 1996 a ofrese e funshon di Information Technology Engineer i ku mester a korehi su salario ku forsa retroaktivo. Forsa retroaktivo te ku 1999 no ta sufisiente.
Abogado di Aqualectra a argumentá KAE no ta eksisti mas for d 2018.
Den e ultimo kaso aki e ingeniero a bin ku e mesun argumento anterior di no a aktua ademas ku na 1999 Aqualectra a trata e ¡ingeniero tur bon ku tin dor di promové pa un skal mas haltu na 1999.
Por lo tantu e korte a haña ku e ingeniero no tin interes mas den su demanda.

Continue Reading

Lokal

Nul-uren kontrakt no por dura mas ku 6 luna

Published

on

By

Randolph Gijsbertha

WILLEMSTAD – Komunidat no ta dispone ainda di sufisiente informashon tokante di e asina yama Nul uren kontrakt. E konsekuensia di esaki ta ku tin basta konfushon riba e topiko. Esaki tku ta e kaso prinsipalmente ora ku ta papia di e aplikashon i intepretashon di e Nul-uren kontrakt. Randolph Gijsbertha direktor interino di SOAW a bisa na Radio Hoyer, ku e tipo di kontrakto aki no ta kompletamente reglá aktualmente den nos arbeidsregeling 2000. Pero ora ku na aña 2000, a hasi kambionan den nos leinan laboral, den Burgerlijk Wetboek, a hasi menshon di e nul-uren kontrakt. Segun Gijsbertha, mester lesa tambe den e Memorie van Toelichting, kiko tabata e espiritu i dikon ta aplika e Nul- uren kontrakt.
Gijsbertha ta sigi splika ku por tin e tendensia di pensa, debi na maluso di sienos reglanan, ku mester ku uitzendburo, e nul-uren kontrakt ta algu negativo. Pero ta importante pa mantene bo na e reglanan korespondiente i aplika i interpreta e kos bon.
Gijsbertha ta bisa: Un nul-uren kontrakt ta kasi identiko na un oproep-kontrakt. E uniko diferensia ta, ku e no por tin un durashon di más ku sèis luna. Na momentu ku bo tin un trahado i bo ta bise mi ta roep bo op, anto e oproep, ta dura mas ku seis luna, trahadó por eksigi pa e haña un akuerdo di trabou identiko na nos leinan laboral. No por bai dune e ora ei un kantidat di ora menos ku e promedio di oranan ku ela traha pa bo durante di e aòa ei.
Relashona ku e pago ora ku ta trata di un Nul-uren kontrakt, ta paga pa e kantidat di oranan ku a traha. Pero tin un aspekto importante , pasobra e trahado ta keda stand by, en espera di e yamada pa bai traha. Dor di keda pendiente ta pèrde oportunidat di hasi algu otro. Pa esei, e mester haña un kompensashon.
Gijsbertha ta sigi splika ku un otro punto ta tambe ku na momentu ku yama un hende pa bai traha, i ku persona bisa ku e ta malu, ta nifika ku mester pag’é. Banda di esei ku si no yama e persona ku sufisiente antisipashon, òf a surgi kambio den e palabrashon dje dianan pa traha,mester paga e trahadó, pasobra ela prepará su mes pa bai traha.
Un otro aspekto importante ta ku mester paga e prima di seguro pa e trahadónan ku tin Nul-uren kontrakt tambe. Ademas na momentu ku e trahadó ta malu, mester page e oranan ku a palabra kune pa traha.
Randolph Gijsbertha ta resumi ku konkretamente un Nul-uren kontrakt ta paresido na un oproepkontrakt. Den e kaso aki mester palabra ku e trahado i pone eksplisitamente den kontrakt kon ta regla asuntu di pago i otro kompensashonnan ku e trahado mester risibi. Por ehempel si e trahado sigi traha mas ora ku loke a yame pe e dia ei, mester page overtime. Mester zeg op tambe un nul uren kontrakt. Ta pesei e nul uren kontrakt tambe ta kubri dor di e ontslagrecht.
Gijsbertha ta konklui ku e remarke ku un Nul-uren kontrakt no ta algu malu, pasobra tin trahado ku ta prefera di traha fleksibel i no ke traha 8 ora. ‘Pero mester apliká i intepretá e reglanan manera mester ta. Pasobra den mayoria kaso e hendenan ku tin nul uren kontrakt ora ku nan haña problema i bai korte, ta haña rason tambe.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login