Uncategorized
Detenidonan ku a bringa den korte a skucha nan kastigu ayera
WILLEMSTAD. E tres siudadanonan Robert Chapman (23 aña), Sjantiene Ersilia (25 aña) i e kolombiano Faridt Perez Cervera a presentá den sala di korte ayera pa tende nan sentensia.
Manera ta konosí e trio aki a pone un sensashon bastante brabu den sala di korte djabièrnè 9 di òktober último, despues ku e trio aki a keda akusá di dos atrako, pero den sala di korte, dilanti di wes mr. Snitker a pleita ku otro i pa finalmente e dos yunan di Kòrsou, Chapman i Ersilia kue otro ku moketa. E akusado Sjantiene Ersilia na e okashon aki a dal Robert Chapman benta largu abou na suela den sala di korte i tabata polis di parkèt Kleinmoedig ku a intervení pa logra establesé òrdu.
Tabata dia 1 di mart 2020 alrededor di mitar di un’or di mèrdia ku e trio a tira atrako riba e siudadano di inisial O.C. di 88 aña den Otrobanda na altura di e negoshi Kortijn Eis, rankando esaki su kadena di oro ku medayon for di su garganta i purba kita su renchi di oro for di su dede.
This content is exclusive for members
Register or login to unlock this article
Uncategorized
Jonathan Schoop: “Nos por bai Serie del Caribe… I repasá pa WBC !!”…

• Jonathan Schoop Big Leaguer estrea YDK ku e tim di Tigres di Detroit ta di opinion ku Kòrsou lo por partisipá na Serie del Caribe, i pone tur hungadó den kondishon pa e kompetensia di “World Baseball Classic”. Schoop ta bisa ku si ta partisipá na “World Baseball Classic”, Serie del Caribe lo sirbi pa tur hungadó ta huntu i ta den kondishon.
E ta bisa ku tur pelotero ta riba e mes linea. I ta pensa ku nos lo por yega leu.
Uncategorized
Reorganisashon na Prison ta stankando pa falta di Dekreto

WILLEMSTAD. Foi prinsipio di formashon di koalishon entre MFK i PNP, e kartera di Hustisia a keda largamente sin haña e atenshon ku e ta merese i Ulanda tin masha reklamo riba e situashon ei.
Awor e reklamonan a lanta kabes na Kòrsou mes kaminda Minister Pisas a pidi un grupo pa hasi reorganishon den SDKK i a pidi tur grupo nan koperashon.
E grupo a kuminsa traha algún luna pasá i a reina satisfakshon pasobra gruponan a bin i bai pero Pisas no ke pasa nan dekreto. Nan ta na altura ku aki den prizòn tin un grupo (e dienstgroep) di kua un gran parti di nan tin un pakto ku Minister Pisas pero pa trese kambionan na nan fabor i benefisio sin wak bienestar di nan tur!
E dienstgroep aki ta influenshando Minister Pisas.
E dienstgroep a soru pa e haña basta voto den prizon i awor e ke kumpli ku loke e a priminti nan.
REORGANISASHON
Nos sa tambe ku ora e grupo di reorganisashon a kuminsa, nan no a risibi koperashon di algun persona di PZ pa hasi trabou.
E grupo ta saká for di rumornan, ku Minister Pisas ta bula pipa pa atendé ku nan pasobra e no tin ningun interes pa atende ku nan Landsbesluit.
Esei naturalmente ta ultraho pasobra no ta niun tiki humano pa trata hende di e forma aki manera sushi i ku a hasi un bon trabou.
E pregunta ta ku si reorganisashon lo sigui of e lo termina na aros i koko atrobe?
Tin hendenan kapas den e team, ku asta nivel di estudio universitario. A a hasi nos investigashon pa sa ken e personanan ta realmente. Tin ku ta asta den misa i segun nos a kompronde ta hende ku ta para hopi fuerte pa prinsipio.
Uncategorized
Dirigente di baseball Little League: “Loke Kenley a hasi ta grandi”… Unda lo a saka plaka pa kumpra tantu bala ??

• Deporte 5 Star a kombersá ayera ku un dirigente di baseball Little League pa hopi aña.
E dirigente ku ketu bai ta aktivo a bisa 5 Star ku e loke ku Kenley Jansen a hasi pa Curaçao Little League ta algu hopi grandi.
E la splika ku Kenley Jansen a perkurá pa Little League di Kòrsou tin bala di baseball pa nan por a usa hinter kampeonato.
Tantu den temporada regular, komo den play-off.
E ta puntra unda lo a saka sèn pa kumpra tantu bala asina ???
E ta splika ku un kaha di bala ta kosta 200 florin.
Tin biaha ta hasi uso di 6 pa 8 kaha di bala pa wikènt ora tin wega.
E loke Kenley Jansen a hasi pa nos baseball Little League i nos muchanan ta hopi grandi, e la aksentuá.
-
Lokal7 days ago
‘’Hendenan di menos rekurso no ta baki di sushi’’
-
Sosial7 days ago
Modelonan di “Mature Model Management” dia 5 di yüni riba pasarela
-
Sosial7 days ago
Ruta di Karnaval
-
Lokal7 days ago
Konseho sabio di wes………. Laga e dos partidonan pone sèn huntu
-
Sosial4 days ago
Art for the Roses mas lat e aña aki
-
Aruba4 days ago
MIKE EMAN: AVP DEN DI BARIO NOORD CU DIALOGO RIBA E BON COMUN !
-
Aruba6 days ago
Minister Dangui Oduber a hiba palabra na e “Vacation Rental Professionals Summit” 2022
-
International6 days ago
Senado merikano a konfirmá ku Jerome Powell lo sigi na kabes di Reserva Federal