Deporte
Despues ku ayera Honduras a dal Canada 2-1: Henry Caldera:”Nos mester a habri ku Juninho i Leandro”…
• Deporte 5 Star a haña un remarke di e DT di nos futbòl Sr. Henry Caldera ku a mira e wega di ayera kaminda ku Honduras a sorprendé Canada ku skor di 2-1.
Henry Caldera a bisa 5 Star ku nos a pèrdè vs Honduras na Kòrsou 1-0.
E ta insistí ku tin regla, pero ku semper por hasi eksepshon.
Manera ta konosí e DT di nos selekshon a tuma desishon pa no habri ku ni Juninho Bacuna, ni ku Leandro Bacuna.
Manera tur hende sa Leandro Bacuna a kasa un dia promé, i e DT a opta pa tene tantu Leandro komo su ruman Juninho for di wega.
Caldera i vários hende serka no aprobá e maneho di Sr. Art Langerer ku ta e DT di nos selekshon. Hopi hende ta di opinion ku habriendo ku Juninho i Leandro kosnan lo por a bai otro.
Ta p’esei deporte ta dushi, ounke leu for di fásil.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
