Deporte
Despues di kanselá na algun okashon: Kopa Karibe III dediká na Higinio Velez… Ta start 26 di yüni den TDB…
Cocabe ku ta presidí pa e YDK Sr. Jorge Royston de Lira a anunsiá finalmente e di tres Kopa di Karibe di baseball.
E di tres kampeonato di Karibe ta dediká na eks Manager/Dirigente di baseball di Cuba Sr. Higinio Velez kende a fayesé dia 12 di mei último.
E kompetensia aki manera ta konosí na vários okashon a wòrdu pará o aplasá debí na e situashon di Covid-19. Djasabra dia 26 di yüni lo start ku e kompetensia ku partisipashon di:
Kòrsou, Cuba, Peru i Virgin Islands.
Lo tin 2 wega riba kada fecha, i entrada ta 10 florin.
Por kumpra pakete ku ta kosta 55 florin.
Tambe a krea un posibilidat di V.I.P. ku lo kosta 100 florin pa dia di wega.
Tur wega ta hunga den Tio Daou Ballpark.
Djasabra 26 di yüni ta start ku wega for di 3or: Virgin Islands vs Perú i 8or di anochi: Kòrsou vs Cuba.
Djadumingu dia 27 di yüni ta hunga: Cuba vs Perú 3or i 8or: Kòrsou vs Virgin Islands. Djaluna 28 di yüni: 3or: Virgin Islands vs Cuba i 8or: Perú vs Kòrsou.
Djarason 30 di Yüni ta hunga: Peru vs Virgin Islands 3or i 8or: Kòrsou vs Perú.
Djaweps 1 di yüli: Cuba vs Virgin Islands 3or i 8or: Kòrsou vs Cuba. Djabièrnè 2 di yüli: Peru vs Cuba i 8or: Virgin Islands vs Kòrsou.
Djasabra dia 3 di yüli: 3or Wega pa di Tres Posishon.
I 8or di anochi: E Gran Final !!.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
