Deporte
Desishon di komishon di apelashon ta, ku: Libis mester warda resultado di apelashon na Colombia..
Manera ta konosí e tim di The Fighting Team ku a konta ku e pitcher Colombiano Libis Hurtado temporada pasá lo tabatin e pitcher estrea den plan pa e temporada aki tambe.
Sinembargo Libis Hurtado den e último wega di temporada na Colombia den un forma mahos a kue un hungadó kontrali ku gòlpi estilo Mike Tyson ora ultimo out di wega a kai.
Esei a pone ku e la haña suspenshon di 1 aña serka federashon di su Pais.
Apesar di e suspenshon e tim di The Fighting TEAM a pensa di trese pa e hunga pa nan.
Libis a apelá e suspenshon na Colombia, i The Fighting Team presidí pa Sr. Kenneth Pieter a pensa di por usa e pitcher na Kòrsou pendiente apelashon na Colombia.
CSB a pensa otro, i The Fighting Team a pidi intermediashon di komishon di apelashon i haña esei.
Komishon di Apelashon di CSB a duna CSB rason, esta ku e lansado estrea tin di warda e desishon di apelashon na su Pais promé ku pitcha na Kòrsou. Segun nan ta bisa The Fighting Team tin 3 sòftbolista di Colombia den plan i hasta lo tin nan riba nan lista, entre nan Libis Hurtado.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
