Deporte
Den un tremendo entrevista awe mainta serka Calili: Mem:”Pa bai mundial di Qatar ta kosta 40.000 FL”…
• Sin duda un sintonia total awe mainta atrobe e programa di deporte mas skuchá na Kòrsou deporte Hoyer ku Calili tabatin ku e gran personahe Sr. Mem Vornis ku ta stima bai mundial di futbòl.
E mundial di futbòl di Qatar pa Mem Vornis ta su mundial dies ku e ta bai. E la splika ku e ta kuminsá spar 4 aña adelantá pa por sera e sèn pa por bai mira mundial. E la rekonosé ku esun di Qatar a Sali den kareda 40.000 florin.
E eks edukadó i hòmber di Radio, i kolegial di Sithoc del alma a rekonosé ku kasi e la legumai e mundial di Qatar. E eksigensianan ta masha hopi.
E ta kouteloso paso tin masha hopi regla ku tin di kumpli kuné na Qatar, i e no sa kon ta bai mantené e reglanan ei.
E ta splika ku no mag bebe alkohòl den stadion, siendo ku fanatikonan di Brazil ta bebe promé ku wega, i ora wega mes start nan ta fuma. Mem ta mira Brazil ku bon oportunidat. E no ta duna Oranje muchu chèns.
Un selekshon ku su base ta di Ajax no ta bai yega muchu leu”, asina e konosedó a deklará.
E la konta di vários eksperensia, inklusive ku Sr. Rignaal Francisca ku ta un personahe rekonosé Internashonalmente den futbòl. Durante su bishitanan den mundial e tabatin e plaser di e topa ku masha hopi hende di nòmber i fama mundial.
E no ta bai mundial pa bai sinta leu, sino e ta keda Kòrsou. E ta perkurá di por sinta na un lugá bon ku naturalmente tin su preis.
E no ta bai for di inisio, pero ta warda poko pa e yega den kayente dje mundial.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
