Deporte
Den un posibel kambio pa Juan Soto: Yankees lo no spar niun prospekto…
E tim di Nationals ku tur probabilidat lo trata di haña un deal pa e estrea hóben dominikano Juan Soto. Juan Soto a ninga un oferta di 15 aña pa $ 440.000.000.
I ningando e oferta ei, e tim di Nationals lo trata di eksplorá un kambio pa Juan Soto.
Yankees, Mets i Dodgers tin interes den un kambio pa Juan Soto.
Juan Soto tin 23 aña di edat i e lo por haña un oferta grandi pa hopi aña.
Segun informashon di fuentenan serka di Yankees, nan lo no spar niun prospekto den un posibel kambio pa Juan Soto.
Esei ta nifiká ku: Anthony Volpe, Oswald Peraza, Jasson Dominguez, Waldichuk, tur lo por ta den un deal pa New York Yankees haña Juan Soto ku ta un batido slengu ku den e stadion di Yankees lo ta un kandidato pa kibra rekòrt di homerun di baseball Liga Grandi.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
