Deporte
Den stadion di Giants ayera: Nan a tira bòter di serbes riba Jurickson…
Jurickson Profar tabatin poko problema den e wega di ayera entre Giants i Padres den stadion di Giants.
E pelotero YDK a splika ku e la tira un bala ku e tabata warm-up kune pa un fanátiko di Padres, pero un fanátiko di Giants a kue e bala, i ora e la bira prepará pa fildea e fanátiko a manda e bala riba dje ku a hera di dal’e.
E la kue e bala i mand’é bek, pero despues a sigui mas bala i un bòter di serbes.
Jurickson a deklará ku e no tin problema loke fanatikonan ta grita, pero si e tin problema ku tiramentu di kos.
E pelotero YDK tabatin un tremendo dia ayera ora e la bai di 5-3, ku 1 kareda empuhá i 1 anotá.
Ora nan a puntra si e loke a sosodé a yud’é, e la smail i bisa:”No, komo tim semper nos ta hunga pa gana”…
Manny Machado i un “security” a bai leftfield pa trata di rekonosé esun ku a tira e bala.
Finalmente Padres ta gana e wega 8-7.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
