Connect with us

Lokal

Defensa ta ampliá sosten na Polis

Published

on

Defensa ta duna inkorporá Militarnan hulandes ta yuda polisnan lokal un man ku kontrol riba kaya.

This content is exclusive for members

Register or login to unlock this article

Continue Reading

Lokal

Ban hasi una diferensia huntu pa Kanser di Mucha

Published

on

By

Willemstad – Riba djabièrne 24 di Juni, Gerd Glaudemans ku ta biba na Kòrsou, huntu ku DreamRides team di Hulanda ta bai hasi un rekorido fenomenal riba baiskel di 822 kilometer i subi 20 mil meter den diferente seru i siudatnan den Alpen ku ta keda na Suisa i Fransia.
Ku e gran esfuerso aki, e ta lucha pa krea konsientisashon i tambe rekoudá sèn pa otro inisiativa spesial di Ronald McDonald House Charities Curaçao Foundation (RMHCC) kwal ta un fondo lolal dediká na kombati kanser di mucha.
RMHCC ta kréa y sostené programanan ku ta direktamente y positivamente impaktá salú y bienestár general di mucha y nan famia. Tur loke ta keda rekoudá ku DreamRides ta bai pa sostené e muchanan ku kanser i nan famianan.
E fondo ta ser usá pa apoyá famianan, pa mantené nan huntu i serka di e kuido nesesario ku nan tin mester. Tambe esaki lo ser usá pa duna e muchanan un momentu di enkurashamentu pa pasa dor di e momentu difísil aki, dor di regalá nan momentunan alegre pa asina nan tambe por disfrutá di bida. Lamentablemente tur aña algun mucha na Kòrsou ta ser diagnostiká ku kanser.
Maske ku e kuido ta bon organisá riba nos isla, mayoría biaha e mucha ta ser mandá Hulanda pa por risibí tratamentu den e hospital di kanser pa mucha mas grandi di Oropa ku ta Princess Máxima Center. E bida di e mucha i di su famianan ta kambia den un fregá di wowo.
No solamente e bida emoshonal i sosial di e famia ta ser afektá, pero també e gastunan finansiero ku un biahe i estadia pa un periodo largu na Hulanda ta trese kune ta enorme. Gerd lo sali pa Genève dia 24 di yuni, i dia 2 di yuli e lo regresá Hulanda.
Durante e gran rekorido aki e lo bishitá algun di e kasnan di Ronald McDonald pa duna su sostén na muchanan i nan famianan ku ta pasando dor di e malesa aki. Ta posibel pa sigui e rekorido di Gerd Glaudemans via e website di evento di Ronald McDonald House Charities Curaçao Foundation dor di skèn e QR code Sambil Curacao, Veeris 27. Unit L-49, Tel: 5999-4621645 / Willemstad Curacao. KvK registration # 118028,
Na final di fakansi di verano ora ku Gerd ta bèk, lo tene un subásta specialmente pa klausurá e evento aki kwal lo tin hopi ítem interesante inkluso e baiskel personalisá ku Gerd lo usa.
Join e Branding y Platinum Partners KLM, Rotary Club of Curaçao, BDO, Arcas Partners, MCB y e DreamRides Curaçao team ku huntu ku otro corporate partners y donante individual ke marka un diferensia dor di rekoudá fondo pa famianan ku ta afektá pa kanser na Kòrsou. No ta importante kon chikitu òf kon grandi e montante ta, paso kada kontribushon ta yuda. Via e website tambe ta posibel pa hasi un donashon pa e kousa aki. Bo kontribushon tin gran balor pa nos. Ban marka un diferensia, huntu! https://rmhc-curacao.org/dream-rides-for-childhood-cancer-fundraiser.

Pa mas informashon, por tuma kontakto ku Ronald McDonald House Charities Curaçao Foundation [email protected] [email protected]

Continue Reading

Lokal

Kòrsou falta basta rekurso di maneho pa sigui konstrui nos nashon

Published

on

By

Dimitri Cloose

WILLEMSTAD – Na e seminario un dia despues, inaugurá pa e dekano di Fakultat General, drs. A. Fernandes i ku Mario Kleinmoedig (publisista i presentadó) komo moderadó, a partisipá invitadonan ku ekpertisia distinto i trasfondo profeshonal variá.
E seminario di dia 6 di mei a kuminsá ku un parti introduktorio pa e antropólogo profesor dr. Rose Mary Allen, ku ta okupá un kátedra na Fakultat General, i pa profesor dr. Alex van Stipriaan. Nan dos a duna un definishon di formashon di nashon (natievorming) i nationbranding.
Esaki a tuma lugá despues di un prefasio mas general tokante e tema akí di profesor dr. Gert Oostindie.
Seguidamente e ekspertonan lokal a duna un presentashon ku konklushon importante.
Historiadó i antropólogo Dimitri Cloose, direktor di NAAM, a indiká ku Kòrsou falta ainda basta rekurso di maneho pa sigui konstruí nashon (Nation Building) i pa promové e marka Kòrsou i su herensia kultural (Nation Branding).
Richenel Ansano, antropólogo, a trese dilanti ku Kòrsou no por forma nashon a base di eksklushon di segmentonan kultural, i sigur no e grupo mas grandi afrokurasoleño i su herensia, den merkadeo dje marka Kòrsou i su kultura.
Ansano (meskos ku Van Stipriaan) a indiká den su charla e tenshon entre nation branding pa motibo ekonómiko, manera den turismo, i e nesesidat pa no presentá un marka ku no ta korespondé totalmente ku e realidat di e nashon.
Profesor dr. Ronald Severing di Fakultat General di UoC, a papia di papiamentu, herensia, nation building i nation branding. El a referí na e desishon di UNESCO pa kuminsá na 1972 ku protekshon di herensia tangibel.
E hecho ku sentro di Willemstad tin e státus di herensia kultural mundial, ta un di e konsekuensianan di esei. E momentu na aña 2003 ku UNESCO a kuminsá ku e programanan pa protehá i sigurá patrimonio intangibel, a resultá ku di e sinku áreanan ku a distinguí, ku idioma ta pertenesé na e formanan mas importante di patrimonio. Ademas, idioma a resultá di ta un nesesario pa garantisá herensia kultural intangibel.
Importansia di nos idioma mayoritario na Kòrsou a haña rekonosimentu internashonalmente, ora ku na aña 2009 a inkorporá e Catecismo Cortico di 1837 den Memory of the World-Register di UNESCO.
Ku papiamentu ta di importansia komo elemento pa formashon di nashon, no tin duda, pa Severing. Asta e ta mira posibilidat pa usa papiamentu pa enrikesé promoshon di Kòrsou den eksterior; papiamentu na benefisio di nation branding.
E hóben Bachelor di teatro i trabou sosial, Richailine Elisa, a konkluí ku mayoria di informashon riba formashon di nashon i merkadeo di nashon lo ta en bano, tanten ku hubentut di awendia keda mira e tópiko di herensia komo antikuá i laf.
Despues di un diskushon interesante, a base di pregunta for di sala dirigí na e oradornan, tabatin oportunidat pa sigui interkambiá di idea riba patio di UoC.

Continue Reading

Lokal

Amptenarnan ta ‘tip’ tokonan i pasa kobra despues

Published

on

By

Elvin Gerard

WILLEMSTAD- Amtenarnan ta sakapa doño di tokonan, di haña sanshon dor di informá nan adelantá, ki ora nan ta bai haña kontrol.
Banda di esaki Gerard ta dispone di informashon ku tin diferente toko ku no ta omzetbelasting.
Ta trata aki di un situashon ku gobièrnu mester atendé rápidamente. Gerard a bisa na Radio Z86 ku e tin informashon ku prinipalmente komersiantenan di nashonlidat chines, ta violá lei dor di keda sín paga omzetbelasting.
Ounke ku Kòrsou ta kobrando hopi sen na OB, Elvin Gerard ta konsehá e minister enkargá pa hasi investigashon pasobra ainda tin hende ku ta duna e komersiantenan informashon ki dia e ta haña kòntròl.
Ta un hecho ku e situashon aki ta perhudiká gobièrnu, ku ta keda sín risibi e entrada, Gerard ta sigi bisa.
Tin indikashon, asina por konklui for dje deklarashon di Gerard, ku e dunadó di tip ta pasa despues di trabou of fin di luna serka e komersiante i tuma nan sèn òf komestibel. Elvin Gerard a indika ku ela duna informashon kaba di establesimentunan kaminda ku e iregulardatnan aki ta tuma luga.
Gerard ta aploudi e sistema ku e anterior minister di Finansas, Kenneth Gijsbertha a proponé pa kobra e schakel aki di OB for di ora ku e merkansia drenta na Duana. Esaki lo evitá ku ta manipulá ku e prèis, ora ku e produktonan drenta toko.
Gerard a enfatisa ku e ta na altura di algun establesimentu di chinesnan na Banda Ariba, kaminda ku por bende produktonan mas barata, pasobra nan no ta paga omzetbelasting.
Gerard a denunsia tambe e fenomeno di ‘florin florin’. Esaki ta e sistema kaminda ku for di mainta e komersiante ta keda registra kada bes 1 florin su pa produktonan ku e bende. Konsekuentemente e klientenan vast ku por ehempel ta kumpra serbes of boter di whisky, di algun florin, e kaha ta keda registra 1 florin só.
Kontrol mester ta dirigi mas skèrpi riba e asuntunan aki, segun Gerard. ‘E instansia konserni mester traha ta rapòrt i entregá e kasonan ariba menshona na ministerio públiko.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login