Ata nos atrobe ku algun informashon pa loke ta trata e karedanan di 5 & 6 pa loke ta djadumingu.
Sigur un programa basta amplio i no t a mustra fásil .
E karedanan por ta poko komplika.
Pero nos ta spera di por duna bo algun informashon.
Tur esaki pa yuda ora ta trata kuadro pero tambe polla i hunga bo tabla of remate.
Ata aki algun informashon ku nos tin.
PROME VALIDA
E number 3 Cinco de oro ta bin ta kore bon. I kasi e ta gana..
E problema kisas ta e distansia ku mi tin miedu ku e ta poko kòrtiku pa su remate..
Pero e trainingnan ta bon sigur
Otro ku ta peligroso ta e number 12 black Truffle ku ta kore bon i aki e por rematá bon.
E number 13 Mon Caribean ta super bon i ta Sali dilanti den e kareda aki i por bai de punta punta.
E number 5 tambe Slew grey ta mustra di ta peligroso.
SEGUNDA VALIDA
Un kareda kaminda nan ta papia hopi di e number 7 Compadre Caruajo.
Esaki a trein super bon i ta kla pa gana ku e jinete Gil riba su lomba. Pero komo ku e number 9 Bucare a rekuperá hopi den su último kareda i lo a peligroso.
Tambe e number 2 amigu Jorge ta mustra di por kore bon.
TERSER VALIDA
Un kareda kaminda nos ta gusta hopi e number 6 De Casta ..
Elo por kore hopi i yega final.
E number 7 ku ta Magic Victory ku ta bin den final. Si e parti bon sigur e ta peligroso.
Tambe e number 8 queen Annie ku no a kore malu i aki sigur e tin kareda tambe .. i por último Amor de Madre e number 5.
Si e lucha ta fuerte den punta e lo por probechá i bin gana
KWARTA VALIDA
Hopi ta papia di e number 4 Catire Pedro. Pero e kareda aki no ta nada fásil i nos lo ke rekomendá mas kabai. Pa bo no kaba\ e number 2 el del Valle ta bon sigur .
Kuidou ku e number 7 El Gran Olie.
Semper su nòmber ta keda menshoná pero nada.
Tambe e number 12 Privilegio ku a gana bon den su último i lo por kore bon atrobe i gana.
QUINTA VALIDA
E kabai Pikante e number 8 den su último kareda ta kore nenga .pues nos no mester worry ku su último kareda kaminda e kabai no ke a mover.
Pero a kambia jiente i pone Capriles kende si lo sa kon pone move.
Mester tene kuenta ku e number 4 ku ta debutá.
Hopi ta papia di dje. Pero nos tin poko duda ya ku e distansia ta 1400 sigur di mas pa un debutante. Kuidou ku e number 1 Ademan.
Si e logra superá puesto i kla ta.
SEXTA VALIDA
E number 14 awor ku e bai risibí deskargo i ku Aray riba su lomba ta super peligroso.
Tambe tene kuenta ku e number 7 Doña Elsi kende lo mester kore super bon.
E number 8 Negosiada lo por sorprendé awor si ora tur hende a lubidá riba dje..
Bon éksito i tur kos bon i suerte.