Deporte
Datos i informashon di 5&6 di La Rinconada
WILLEMSTAD (C) – Ata nos bek aki ku informashonnan pa bo pa loke ta trata e tan gusta kareda di kabei i sigur esun di Venezuela.
Ta hopi tempu tin ku nos tin nos hendenan ku ta fanátiko di e gran eksitante deporte aki
T a for di añanan 40 i piku ya kaba nan ta konosé e karedanan aki.
Anto ántes ta kuadro ta traha i ta tin hende ku a gana bon plaka.
Anto for di e aña 50 i promé ta tin e weganan di remate.
Awendia kosnan a bai mas grandi.
Paso aparte di remate tambe tin awendia e gran wega di polla, tabla i dupleta i remate mes.
Ta tur dia hendenan ta buska pa risibí informashonnan riba e karedanan aki.
Awe nos ta bai duna bo algun informashon sigur.
PROME VALIDA
E kareda aki ta basta kompliká si bo wak e kabainan. E promé karta ta e number 9 kual ta Mercedes Dolores. Otro ku bo mester tene kuenta kuné ta e number 3 Queen of Success ku ta sumamente peligroso
Otro ku tambe mester tene kuenta kuné ta e number 13 La De Omar.
SEGUNDA VALIDA
Den e validá aki e kabai number 7 solinero ta den gran forma.
Den tur kareda e ta yega hopi serka.
Tambe e number 4 Picante sigur su ora a yega pa e gana aki
E jinete ta insistí pa ta bek riba su lomba.
Kuidou ku e number 9 Detonante i e Water Oli ku bia pasa ta tin algun kontratempu.
TERSER VALIDA
Capriles ta riba lomba di El Gran Oli ku ta duna garantia ku elo kore bon sigur.
E number 10 Cimaron tambe ta bon i kuidou ku e number 3 Catire Pedro.
CUARTA VALIDA
E number % Extraordinary a gana den bon tempu i ela keda mantene su kondishon, Kuidou ku number 3 ku ta Storm Poet.
I tambe Over Bet ku lo rekuperá den e kareda aki.
QUINTA VALIDA
El Dorado ta lusi superior..
Nos no sa ku elo bai kore paso tin informashon ku ela retirá.
Otro ku ta hopi bon ta e number 1 Bravucon..
Tambe nos ta gusta e kabai number 8 ku ta The Brother Slew.
SEXTA VALIDA
Nos ta Sali ku e number 12 miranda Queen.
E ta den forma sigur.
E number 3 Astral por kore hopi bon i kisas bai de punta punta den e kareda aki.
Kuidou ku e number 7 Versailles .
Esaki ta nos informashonnan pa e karedanan ku ta bai tuma luga.
Éksito pa bo wega di 5&6 ku ta djadumingu awor.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
