Connect with us

Lokal

CHATA ta selebrá Stars of the Industry Streanan di segundo kuartal 2022

Published

on

Willemstad, 10 di ougùstùs 2022 – Ayera CHATA a organisá e seremonia di rekonosementu di kuartal, “Stars of the Industry” na su miembro, Bario Urban Street Food. Durante e evento aki, empleado i supervisornan di e segundo kuartal di 2022 a keda nominá pa varios miembro di CHATA i a keda rekonosé i selebrá. Tur e nominadonan a risbí un regalo pa kortesia di Tovari, Papagayo i Flavors of Curaçao.

 

 

 

 

 

Tur kuartal CHATA ta enfoká riba diferente kalidatnan personal ku un persona ta poseé ku ta saka e mihó for di nan mientras trahando den e industria di hospitalidat i turismo. E nominadonan di e kuartal aki a keda selektá pa nan étika di trabou i nan dunadó di trabou ta gradesido i hopi kontentu ku nan ta forma parti di nan tim.
“Ta realmente importante pa duna rekonosementu na empleadonan ku ta balorá e importansia di traha huntu pa mehorá sektor di turismo. Boso ta e ehèmpel perfekto, real i personifiká di e konekshon entre nos turistanan bishitante i e komunidat lokal.” Esaki Direktor di Maneho, sra. Maria-Helena Seferina-Rojas a kompartí durante e seremonia.
CHATA ta enkurashá sektor kompletu, inkluso tur embahador di turismo, pa sigui perseverá na trabou tur dia dinobo. Ta boso esfuersonan kontinuo ta hasi nos destinashon un paraiso kaluroso pa turista.

Un danki speshal na tur miembro patrosinadó ku a yuda hasi e evento aki posibel: Tovari, Papagayo Curaçao and Flavors of Curaçao.
Pa mas informashon bishitá nos wepsait www.chata. org i sigui nos pagina di Facebook www.facebook.com/CHATACuracao
CHATA ta orguyoso di kompartí e resultadonan di Stars of the Industry pa e segundo kuartal di 2022

 

Continue Reading

Lokal

A SALI NA KLA KU JERSON ROSALINA TA METÍ DEN MUCHU MAS KOS

Published

on

By

mr. Prevo

WILLEMSTAD – Segun e investigashon den e kaso di 41 kilo di droga ku e kuarteto a purba pasa via pòst atraves di e negoshi Caribbean Cargo Services (C.C.S.) ta tumando lugá, a sali na kla ku Jerson Rosalina ta metí den muchu mas fechoria, pasobra durante e investigashon ku outoridatnan a hasi na su kas dia 7 di febrüari 2022 a haña 2 plantashi di mariwana konsistiendo di 1066 planchi di henep, anto tambe 4 patronchi skèrpi pa arma di kandela. Rosalina a bisa ku e sa duna e matanan ei awa i ku su intenshon tabata pa bende nan. Mas aleu tambe a haña riba Rosalina su telefon 12 pòtrèt i 6 vidio di pòrno di muchanan menor di edat (muchanan entre 2 pa 13 aña). Pero Rosalina a insistí ku ta lokenan el a haña via di gruponan di amigu ku sa manda whatsapp pe. Rosalina te asina leu no tabatin ningun pasado ku hustisia. Den sala di korte ayera sinembargo e tabatin masha hopi di aklará i manera ta konosí for di un prinsipio el a hasi komo si fuera e no tabata sa di nada, ku e ta inosente, e no konosé un di e akusadonan prinsipal, esta Meyer i ora ku el a hañ’é berdaderamente den pèrtá, konfrontá ku pruebanan kontundente, el a disidí di hasi uzo di su derechi di keda ketu. Abogadonan enkargá ku e defensa, esta señora mr. Atena Sulvaran, señora mr. Alicia Blonk, señor mr. Prevo, señor mr. Lie A Tjam a hasi tur loke tabata na nan alkanse pa hiba un bon defensa, pero wes mr. Verbeek finalmente a yega na e siguiente sentensia: Pa Meyer un kastigu di prizon di 24 luna di kua 6 luna kondishonal i un periodo di prueba di 3 aña, pa Chambers un kastigu di prizon di 25 luna di kua 6 luna kondishonal i un periodo di prueba di 3 aña, pa Jerson Rosalina un kastigu di prizon di 30 luna di kua 6 luna kondishonal i un periodo di prueba di 3 aña, pa Nava un kastigu di prizon di 16 luna di kua 8 luna kondishonal i un periodo di prueba di 3 aña. Pa tur e akusadonan ta konta ku mester deskitá e periodo ku nan a pasa den aresto preventivo.

Continue Reading

Lokal

GENARO THODÉ, MIEMBRO DI E GÈNG DI RUMANNAN YEUNG, KONDENÁ NA 4 AÑA DI KASTIGU DI PRIZON

Published

on

By

WILLEMSTAD – E kaso di e siudadano Genaro Thodé, nasé na Boneiru i di 64 aña di edat ayera a yega na su punto di kulminashon na momento ku wes mr. G. Verbeek a dikta sentensia, kondenando e sospechoso aki na 4 aña kastigu di prizon.
E kaso aki su tratamentu a kuminsá 22 di desèmber 2021, kontinuando 23 di mart 2022, 6 di yüni 2022, 9 di sèptèmber 2022 i por último 30 di sèptèmber, anto ayera sí a yega na su punto final, basta Genaro Thodé no bai den apelashon (e tin 2 siman pa hasi esei).
Ta trata aki di violashon di e lei di droga (transakshon di 176 kilo di kokaina) i poseshon di arma di kandela durante e periodo 10 di ougùstùs 2019 òf en todo kaso durante luna di ougùstùs 2019.
Su abogadonan señor mr. Eldon “Peppie” Sulvaran i señora mr. Atena Sulvaran den e defensa di Thodé a insistí ku e detenshon tabata inkorekto, komo tal mester a konsiderá e akusashonnan di Ministerio Públiko inválido. Reglanan fundamental den e proseso di investigashon, segun e abogadonan a keda violá di manera ku no por papia di un proseso hustu, ni korekto. A hasi uzo di militarnan pa buska den kas di e sospechosonan, loke no tabatin un base hurídiko, segun e abogadonan.
Na Kòrsou for di aña 1996 no por hasi uzo di militarnan pa hasi e tipo di investigashonnan aki, komo tal militarnan no tin ningun outoridat reglamentario pa pèrsiguishonnan asina.
Tambe segun e abogadonan e kliente Thodé durante su interogashon na

Continue Reading

Lokal

KOLOMBIANO, ALAIN JOSEPH ORTEGA TINOCO TA BAI SERÁ PA A VIOLÁ MUCHA MUHÉ DI 12 AÑA (MENOR DI EDAT).

Published

on

By

WILLEMSTAD – E hòmber di orígen kolombiano ku yama Alain Joseph Ortega Tinoco di 40 aña di edat durante e periodo 1 di sèptèmber 2020 pa 10 di mart 2022 a violá un mucha muhé di 12 aña di edat. Ampliamente ta deskribí den e dokumentonan ofisial (dagfar) kiko e violashon aki a kontené eksaktamente i ku e akusado na sierto momento tabata gana e mucha menor di edat asina leu pa hasi e aktonan aki dor di hasi sierto promesanan ku dunamentu di plaka, telefon mobil, karchi di telefon i otro gestonan. Fiskal señora mr. Monique Dennaoui-Simon, ningun momento so no por a aseptá e pretenshon di parti di e akusado Alain Joseph Ortega Tinoco ku ta e mucha mes a provok’é pa kometé e aktonan di violensia seksual. E víktima en realidat ta subrina di e persona ku kende e hòmber aki tabata biba i tin relashon kuné. Ampliamente e kaso aki a bini na tratamentu ayera ku preguntanan skèrpi di parti di wes mr. G. Verbeek pa a abuzá di un mucha menor di edat. Kon el a sintié promé biaha ku e suseso aki a tuma lugá, anto ku despues e kos a para bira un kustumber. E akusado Alain Joseph Ortega Tinoco na sierto momento a rekonosé ku su komportashon tabata robes, pero a sigui bisa ku ta e mucha mes a provok’é. Natural un argumentu asina ei no tin ningun valides, mirando e enorme diskrepansia di edat, es mas, e hecho ku aki ta trata di un menor di edat ku e tempu ei apénas tabatin 12 aña di edat. Hende grandi mester tei pa protehá nos muchanan, sigur esnan menor di edat, tantu fiskal komo wes a sigui suprayá. Tambe e hòmber kolombiano Alain Joseph Ortega Tinoco kier a laga parse ku e mucha a bin ta chantagiá te ku e suseso aki a sali na klaridat. Famianan a bin sa te ku e kaso a bira un asuntu di hustisia i ku e hòmber mester a presentá den sala di korte ayera, akusá di violensia seksual. E víktima tabata yu di un tanta. Famianan di e víktima tabata presente den sala di korte ayera i ta sigur ku e relashon ku famia a daña pa semper. Wes mr. Verbeek finalmente a dikta e sentensia manera fiskal señora mr. Monique Dennaoui-Simon a demandá, esta un kastigu di prizon di 18 luna di kua 12 luna kondishonal.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login