Deporte
Chapè Bernardus ta mira Anthony Joshua gana di Usyk: Carlos Ruiter:”Chapè ta kèns, Joshua no ta bòksdó”…
Wendley, “Chapè” Bernardus ku ta un gran amante di bòkseo tin konfiansa di ku Anthony Joshua lo gana di Oleksandr Usyk dia 20 di ougùstùs dia ku nan topa ku otro na Saudi Arabia.
Bernardus ta konvensí ku Joshua lo demostrá dia 20 di ougùstùs ku e ta e mihó heavyweiht na mundu, i kue su tres fahanan bek.
Carlos Ruiter ku tambe ta un amante di bòkseo no ta di akuerdo.
Segun e Tata di Calili, Chapè ta kèns.
Na opinion di Carlos Ruiter Anthony Joshua no ta un bòksdó, sino un “bodybluider”.
E no sa bòks, segun Carlos Ruiter.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
