Connect with us

Deporte

Centro Sociaal i deportivo Barber 70 aña

Published

on

Hungadornan di Barber: para di robes pa drechi; Eddy Melfor, Papi Doran, Remoldo Diaoen, Ronny Granviel, IEddy (Chikitin) Albertus, INilo Diaoen i Yubi Albertus. Abou: Ludwin Ortela, IWilbert Martina, IRonny Alberto, Eladio Diaoen. Entrenador: IQueño Constancia.

Den kuadro di selebrashon di 70 aña di Centro Barber original nos ta para ketu pa rekordá algu lamentabel ku a tuma luga 50 aña pasa.

Tabata riba un dia manera awe riba un djabierne 4 di augustus 1952 ora ku den stadion di rif e ekiponan Centro Barber i Victory Boys a topa otro den un partido final pa gampeon di A klasse I alabes promove pa hoofd klasse di nos futbol. Centro mester a gana e wega desisivo ei ya ku un empate so Victory Boys lo a promove pa hoofd klasse di nos futbol.
Dilanti un stadion kompletamente yen e dos onsenanan a topa otro den un wega di hopi tenshon tantu riba tereno komo den stadion.

Centro a kuminsa e prome mitar mandando ariba hañando dos oportunidat franko di gol ku lastimamente a keda desperdisia.
E wega a desaroya ku atakenan dos ambos banda pero Victory Boys tabatin e mehor parti di e wega durante e lastu 20 minütnan di e prome mitar ya ku nan tabata manda abou tambe.

Esnan ku konose stadion di rif sa i ta kòrda ku ora bo ta manda abou ta mas fasil ya ku bo tin bientu na bo fabor. Afortunadamente e kòrpulente portero Wilbert Martina di Barber a sa di defendé su gol baléntemente i e prome mitar a tèrminá empata na 0 gol.

E di dos parti a kuminsa ku atakenan di tur dos banda te ora ku na 25 minüt di wega e velos Eladio Diaoen ta risibi un bala riba lenks i ta bai laga e defensa pa pone un achterzet pafo di doelgebied grandi pa Eddy Melfor kende ta eskivia un defensa di Victory Boys i lòs un fusil na altura di rudia te den net patras di portero Max Felipa. E wega a kontinua despues di a selebra e gol ku hopi goso i alegria tantu den stadio komo riba tereno.

Segun e final di tempu di wega tabata yegando mas i mas e auforia ku kantikanan prepará dor di e damanan miembra tabata zona den stadion te ora ku tabata falta 30 sekònde pa e pito final zona.
Drama (Maracanaso).
Pa un kibakashon un bala a karambola riba pia di un hungado di Barber i resulta riba kabes di e hungador Norwin Felipa ku a kòp e bala ku a lora… lora pasa banda di portero Wilbert Martina i bai resulta den nèt pega ku e paladi gol.

E balente keeper di Barber ku durante hinter e wega a defende i frustra tur e atakenan de Victory Boys a para mira kon tur su eswersonan a bai perdi.

Esaki aprúptamente a para tur selebrashon despues ku hasta e muchanan di pariba bou di direkshon di entrenador Andres Hoyer, komo e fanatikonan ya a perde tur speransa.

Amigoe 5 di augustus 1952:
Entre otro “jammar van het ene doelpunt.

De voetbalfinale tussen de Aklassers V.B. enC.B. om promotie naar de hoofdklasse heeft gisteravond een dramatisch einde gehad.

Een volgepakt Rifstadion dat tegen het einde van deze grote clash reeds genoegen had genomen met C.B. als Winnaar, dertig seconden voor het eindsignaal van referee Ted Koetsier haastig op haar schreden terugkeren.”

Despues di e lastu pitaso di referee Ted Koetsier a sigi un momentu di tristesa, lagrima i desepshon.Tin fanatiko ku te awe nunka mas no a bai wak wega di bala.

Kompeti i gana ta masha dushi, pero e konsekuensia tin ora ta hopi duru.

Ta loke ku nos ta eksperensha te dia djawe ora nos mira un grupo ta gosa i selebra e otro ta yora. Apesar di tur kos nos di Centro Barber di antes despues di 50 aña i alabes 70 aña di èksistensia di e ekselente frankisia aki ta rekòrda e bon tempu di union i fraternidat ku nos a biba bou di nos presidente Bubu Alvarino Melfor huntu ku su otro dirigentenan.

Historia ta irebokabel, maske kuantu tempu pasa bo no por kambië ni lubidé.

 

 

Continue Reading

Deporte

Dia 8 di òktober próksimo: Roman Fury, ruman di Tyson lo Debutá…

Published

on

By

Roman huntu Tyson Fury.

 

Tyson Fury tin un ruman hòmber di 25 aña ku ta train huntu kuné, i ta kla pa debutá den bòkseo profeshonal.

Nòmber dje ruman di Tyson Fury ta Roman Fury ku ta bringa den e kategoria krusero.

Roman Fury lo debutá dia 8 di òktober próksimo.
Tyson Fury su ruman ta bisa ku Roman tin bon talento.

Roman mes ta bisa ku ta su deseo di bringa pa titulo.

“Mi ke bringa pa titulo”, asina Roman Fury a deklará.

Continue Reading

Deporte

Dolores Aveiro, Mama di Cristiano: “Si Cristiano no bin, Cristianinho lo bin Sporting”…

Published

on

By

Cristianinho.

 

E Mama di Cristiano Ronaldo su deseo ta pa su yu homber Cristiano regresa Portugal i hunga pa Sporting di Lisboa.
Dolores Veiro, e mama di Cristiano ta bisa ku si Cristiano no bin, Cristianinho ku ta su yu lo bin.
Segun Sra. Dolores su ñetu tambe ta un promesa i ku e lo por ta ku Sporting kualke dia.
Dolores a bisa ku Cristiano lo ke hunga te dia e tin 40 aña, i ku ta su deseo pa Cristiano bin Sporting prome ku e finalisa su karera.

 

Continue Reading

Deporte

Dolores Aveiro, Mama di Cristiano: “Si Cristiano no bin, Cristianinho lo bin Sporting”…

Published

on

By

Cristianinho.

 

E Mama di Cristiano Ronaldo su deseo ta pa su yu homber Cristiano regresa Portugal i hunga pa Sporting di Lisboa.
Dolores Veiro, e mama di Cristiano ta bisa ku si Cristiano no bin, Cristianinho ku ta su yu lo bin.
Segun Sra. Dolores su ñetu tambe ta un promesa i ku e lo por ta ku Sporting kualke dia.
Dolores a bisa ku Cristiano lo ke hunga te dia e tin 40 aña, i ku ta su deseo pa Cristiano bin Sporting prome ku e finalisa su karera.

 

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login