Deporte
Centro Dominguito ta gana di Victory Boys 2-0
WILLEMSTAD (C) – Djadumingu ta tin kontinuashon di kampionato di futbòl FFK ora ku e ekipo di Centro Dominguito, kual ekipo sigur e aña aki ta mustra di t a peligroso ya ku e ekipo aki ta un luchadó a enfrentá e ekipo di Victory Boys.
E ekipo di Victory Boys sigur den e promé tempu a duna gran bataya.
Nan no a hunga malu i a sa di wanta e wega bon den promé mitar.
Den di dos mitar e ekipo di Centro Dominguito ta pika dilanti ku gol di Fransinet na di 53 minüt di wega
Aunke pèrdí tòg e ekipo di Victory Boys ta trata di empatá e wega .
Pero ora ta falta 4 minüt pa wega finalisá Calvenhoven ta amplia e skor i ta nota di dos gol pa Centro Dominguito gana ku skor di 2-0.
Ku e viktoria aki Centro Dominguito ta pasa pa okupa e di dos puesto riba tabla ku 21 minüt i laga Jong Colombia na di tres luga
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
