Deporte
Centro Dominguito i Centro Barber a parti punto ayera nochi
WILLEMSTAD (C) – Ayera nochi e kampionato lokal di futbòl di FFK a kontinuá.
Ayera e dos ekiponan Centro Dominguito i Centro Barber a enfrentá otro.
Tabata un partido ku sigur ta bon den e promé tempu kual ámbos ekipo ta bringa pa habrié markadó . Pero e proem tempu a bai sin anotashon.
Den di dos tempu sigur e públiko por a disfrutá di un tremendo partido i ku a konosé 6 gol
Tabata e ekipo di Centro Dominguito kende na di 56 minüt ta habri markadó ku gol di Christopher.Centro Barber ta preshoná i ta logra empatá e wega aki na di 73 minüt ku gol di Ellenburg.
Ta 5 minüt despues Naigel Valorian ta nota na di 82 minüt pa hiba Centro Barber dilanti.
Gedison Zink ta empatá e wega i Naigel Valorian ta bolbe hiba su ekipo dilanti na mesun 85 minüt.
Ku skor 3-2 pa Centro Barber i kasi den pitu e ekipo di Centro Dominguito ta logra skor e gol di empatá pa medio di Gedison Zink. Pues e partido ta terminá empatá kual tur dos ekipo ta bai kas ku un punto.
Ekipo Centro Dominguito.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
