Deporte
Centro Barber ku suerte di pushi ta empatá den pitu
WILLEMSTAD (C) -E ekipo di Centro Barber sigur tin un kos hopi importante na su fabor i esaki ta e suerte di pushi. Apesar di esei sigur e ekipo ta hungando bon bala. Djasabra ele enfrentá e ekipo di Inter Willemstad pa loke ta trata kaya 6.
E ekipo di Inter Willemstad a pika dilanti na di 15 minüt di wega ora ku Mirco Colina jr a nota e gol aki. Pero den mesun promé tempu Barber ta empatá ku gol di Darylson Ellensburg na di 32 minüt.
E dos ekiponan aki a lucha duru den di dos tempu pa buska e gol pa bai ariba.
Faltando masha poko pa e wega kaba ta Roderick Pop kende ta nota na di 87 minüt i sigur e gol aki lo mester a kibra e ekipo di Barber.
Pero ora 90 minüt a bòltu i ta hunga minütnan adishonal ku Centro Barber pa medio di un kabesaso di Randall Winklaar ta empatá e wega di un forma dramátiko.
Ku esaki ámbos ekipo ta bai kas ku un punto . E partido sigur ta un bon partido.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
