Lokal
Caribbean Shark Coalition ta organisá e prome tayer regional
WILLEMSTAD – Caribbean Shark Coalition (CSC) ta organisa e prome tayer regional na St. Maarten di dia 12 pa dia 16 di september di aña 2022.
E meta di e tayer ta pa proporshoná kapasitashon den kampo y pa apoya e metanan a largo plaso pa desaroya kapasidat di siensia di tribon i raya i konservashon den e region di Gran Karibe.
Mas di 20 partisipante konsistiendo di sientífiko, sambuyadó, konservasionista, funsionario gubernamental, studiante i gerente di parke marino lo asisti, representando 12 diferente pais di henter Karibe.
Koalicion di Tribon di Karibe
Caribbean Shark Coalition (CSC) a lanta huntu ku Dutch Caribbean Nature Alliance (DCNA) y Beneath the Waves (BTW) na aña 2020 komo kontesta na yamada internashonal pa mehora e esfuersonan kolaborativo di konservasion di tribon i raya den region di Gran Karibe.
E miembronan di CSC ta representa un kolekshon di experto di Organisashonnan No Gubernamental, komunidat lokal, organisashon intergubernamental i gobiernu, akademia i instituto di politika ku ta traha huntu pa avansá estudio i konservashon di tribon i raya di Karibe.
Enfoke di e tayer
A traves di e tayer, CSC tin komo meta konsientisá tokante presensia i importansia di tribon y raya den Karibe.
E miembronan di e Coalicion Caribeña di Tiburon ta bai siña diferente método di kolektá, prepara, kompronde i informa otro tokante e efektividat di nan áreanan di parke marino unda tribon i raya ta protehá.
Otro meta importante di e tayer ta pa generá dato sientífiko pa apoyo e esfuersonan di promoshon pa mehora e maneho di tribon a lo largo di e koredornan migratorio di varios tipo di tribon.
CSC ta stimulá koperashon internashonal i interkambio di dato, cu ta esensial pa protehá efikasmente e especienan transfronteriso.
E partisipantenan lo risibi kapasitashon den kampo i lo siña kon pa krea i establesé drum lines pa marka tribon, e ekipo nesesario pa kaptura, manipulá i liberá animal di manera sigur, kolekshona data, muestra i maneho di dato, i kapasitashon di uzo di stashon di video remoto bou di awa.
Ademas, e partisipantenan lo siña tokante e benefisionan di metodologia adishonal manera ekstrakshon di sedimento, uzo di reseptor akústiko i análisis di ADN ambiental pa konstrui un base di dato mas sólido di habitat i biodiversidat.
E kapasitashon den kampo lo ta na enkargo di Dr. Oliver Shipley (BTW) y Tadzio Bervoets (DCNA).
Importansia pa otro isla di Caribe
E tayer aki ta un ehersisio den kolaborashon, fomentando relashon nesesario pa brinda apoyo, guia, konseho i rekurso, di forma virtual y presensial, pa futuro investigacion. Na final di e tayer, CSC ta desea ku tur partisipante lo bolbe bek nan pais di origen cu eksperiensia práktiko y di bida real i kapasitashon pa investigacion di konservashon di tribon i e hèrmènt i orientashon nesesario pa establesé nan mes proyekto di investigacion.
“Tiburon i raya ta hunga un papel klave den mantenshon di ekilibrio i biodiversidat den di e ekosistemanan marino lokal i regional”, Dr. Oliver Shipley, sientifiko investigadó senior di BTW ta komparti.
“Nan proteccion ta fundamental pa un futuro fuerte y saludabel den region di Gran Caribe”.
Tadzio Bervoets, Direktor di DCNA ta agregá “ku e tayer regional aki, nos ta spera di fomentá e kolaborashon nesesario pa identifika nesesidat i proporshoná rekurso pa tur stakeholder traha huntu no solamente pa konservashon di tiburon y raya, sino di Gran Caribe komo un totalidad.”
E tayer ta kordiná pa DCNA y BTW y ta posibel danki na finansiashon di Blue Marine Foundation, World Widi Fund for Nature (WWF-NL) y apoyo operativo di GoPro for a Cause.
Potret na kortesia di: Sami Kattan, Beneath the Waves
WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.
KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.
WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.
Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.
Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.
Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).
Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).
Violensia relashonal
Kantidat: 15
Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.
WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.
Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na dutchcaribbean@jci.cc.
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
