E remarkenan di Art Langerer ta skerpi, pero ta nos realidat.

Ta yega e momento ku si nos no tin sèn pa pone yerba artifisial ku nos tin di bai bek na hunga riba tera. Art Langerer a señal ku e mihó vèlt di yerba artifisial ku nos tin, ta esun pega ku hotel ku ta e tereno di Jong Holland. E no a papia muchu di e superfisie di Stadion Rignaal Francisca, pero si e la bisa ku SDK su superfisie ta gastá.
Ta un hecho tambe ku e superfisie di Stadion Antoine Maduro na Kintjan tambe ta den un kondishon di grita yora.

Ta yega e momento ku tin di Sali plaka pa pone yerba nobo, i di bai hunga bek den “anglo”.

Ta nos realidat !!

WILLEMSTAD. E sekura ku siudadanonan ta paresido na formashon di desierto i na Kòrsou nos mester wak bon pa nos ekonomia no bira parti di un desierto pasobra e forsa di kompra di siudadanonan ta hopi abou.

I  nan tambe ya pa basta aña kaba ta sinti un sekura den nan saku pa loke ta nan forsa di kompra. Ta den parlamento e palabranan aki a kai siman pasá ora ku Juniel Carolina, diskutiendo eliminashon di 12.5% di redukshon di nan entrada riba riba nan kondishon salarial.

E parlamenetario a felisita promé minister Pisas prematuramente pa e esfuersonan hasi pa paga e kompensashon di 1750,— florin i ku desafortunadamente a dal kibra riba baranka.

E 12.5 porshento mester bin bek pa e ámtenar i tambe e maestronan den enseñansa.

Minister di Finansa ta bisa e tin sén di RRD.

Kèn i ta  p’esei frakshon di PAR ta pone preshon i apesar ku ta nan gobièrnu a masakrá e ámtenar ku 12.5% apesar ku esaki a bai konta e landsverordening di CGOA dor di keda sin bai arbitrahe.

Esaki ta pasa ora un gobièrnu ta bai di akuerdo ku gobièrnu di Reino pa kompará nos salarionan ku salario den Karibe.

Salarionan mínimo den Karibe ta varia entre 80 pa 400$.

Naturalmente baha e salario di e top inkomen ta baha forsa di kompra.

Pero e 12.5 porshento tambe ta meskos òf pió ainda, pasobra ya kaba e ámtenar tabata den un situashon di tene kabes riba awa pasombra tur kos ya pa algun aña a subi drástikamente i salario di ámtenar e keda meskos.

I  hasta dos i tin biaha tres trabou e ámtenar mester ehersé pa tene kabes riba awa, sin duna e ámtenar e 5 aña pa e kustumbrá.

Aki nos por tuma un ehèmpel riba baho di  duurtoeteslag riba penshon di penshonado.

E penshonado bèrdat no tin nodi di kustumbrá di ta pober, paso e ta pober kaba!

No por hustifiká mas, ku den e fase aki di pandemia, ku ainda no a mishi ku topinkomen i ketu bai ta kita for di e entrada di klase media  di e ámtenar so.

Papiando di e topinkomennan, for di 2015 a traha lei pa baha topinkomen ku un periodo di transishon di 5 aña!

E direktornan a laga e sindikatonan lanta kontra dje lei di Jardim. Nan tabatin wèlga nashonal. Pasobra e sindikatonan sa ku e salarionan di nan miembronan ta relatá  na esun di e topinkomen.

Junie Carollina kon partido polítikonan ku ta yama nan Sosial Demókrata ta bringa pa por defendé pa no baha topinkomen, anto te ainda no a implementá e rekorte riba bienes inmobilario.

Masha hende tin problema ku belasting. Kaminda no a kita for di e idea di baha duurtetoeslag.

Kaminda no a pone e 12.5 porshento bek riba e salario i no a paga e 6 porshento vakantiegeld, i loontrede.

No a subi suèldu mínimo fin di aña tampoko?

Tin un bata kayente i mi tende kon parlamento lo bai purba defendé di no mishi ku entradanan di entre 15 pa 30 mil di entrada.

Pero kier laga gobièrnu di Reino imponé un rekorte di 12.5 porshento riba entradanan di 1500,-, 2000, 3000, 4000, florin mará na 8 kondishon.

Kosto di bida no a subi pa nos?

E subida drástiko di preisnan haltu riba tur kos ta konta pa e ámtenar i dosentenan den enseñansa tambe.

E parlamentario a kalifika e desishon deskabeyá tuma bou di Gabinete Rughenaath kontra di ámtenar di 12.5% bek aden.

E prima di vakashon di 6% porshento tambe mester bini bek i asina e ámtenar ehersé su trabou ku mas alegria i mas ánimo.  Na e momentunan aki e ámtenar ta demotivá pa ehersé su trabou debí ku pa falta di empleado públiko den tur e servisio tur peso ta kai riba nan i no papia mes di e rekorte di 12.5 %

WASHINGTON – Jerome Powell presidente di Reserva Federal (Fed) di Merka a konfirmá ayera durante su rueda di prensa ku nan mester a subi tasa di interes di referensia na medio punto pa buska manera pa frena inflashon.
E subida di tasa di interes aki ta keda konsiderá komo esun di mas haltu realisá pa Reserva Federal for di 1994.
Lokual ku Reserva Federal lo bai trata na hasi ta purba regulá inflashon na Merka konsiderando ku kosto di bida riba tur nivel a subi drástikamente.
Konsekuensia ku Reserva Federal a fiha tasa di Interes aki ta ku e práktika aki lo bai afektá miónes di persona, sentenáres di empresa grandi, mediano i chikí.
Esaki ta debí ku interes riba fiansa na banko lo subi konsiderablemente.
Analistanan finansiero ta premirá ku e medida aki lo bai empeorá e situashon na Merka konsiderando ku e merikanonan ta bou di hopi preshon kaba trahando dos pa tres trabou pa asina por kumpli ku nan obligashon i awor tin ku bai paga mas na fiansa pa por sobrebibí.