International
Bukele a anunsiá ku elo bai buska un reelekshon pa presidente na 2024
SAN SALVADOR – Nayib Bukele presidente di El Salvador a anunsiá ku definitivamente elo bai buska
un reelekshon pa presidensia na 2024.
E aktual presidente di El Salvador a bisa ku ela konsulta primeramente ku su kasa Gabriela i su famia di su intenshon.
Tantu kasa komo famia ta di akuerdo ku su desishon i ku ela haña nan bendishon pa dal bai.
Den e elekshon di 2024 e salvadoreñonan mester bai elegí un presidente i tambe vota pas skohe un Asamblea Legislativo pa un total di 262 munisipio na El Salvador.
Nayib Bukele a rekonosé tambe ku tin algun pais desaroyá lo no bai ta di akuerdo ku su desishon pa e bai un elekshon mas pa bira presidente di El Salvador pa otro sinku aña.
Den e kaso aki ta e pueblo di El Salvador lo tin ku disidí ken nan lo kier pa goberná nan pais i ta p’esei segun nan konstitushon esaki ta posibel.
Segun enkuestanan realisá na El Salvador si mayan tin elekshon presidensial Nayib Bukele ta asina popular ku elo gana den prome buèlta.
E relashon kompleho ku Nayib Bukele tin ku presidente Joe Biden ta debí ku na luna di mei di 2021 ela destitui tur e wesnan di Korte Supremo i fiskalnan korupto.
Lokual ku Nayid Bukele a hasi a pone ku Joe Biden ta konsiderá lokual ela hasi komo un akto anti-demokratiko.
Nayib Bukele a manda un mensahe pa presidente Biden indikando ku e motibu dikon ela tuma e desishon aki ta pa kuminsá manda tur e miembronan di gengnan prizon i baha e tasa di kriminalidat na El Salvador.
TEHERAN – E organisashon terorista Islámiko di Palestina denominá komo Hamas a konfirmá ku ayera ku nan lider Ismail Haniya a keda asesiná pa un misil ku a keda lansa riba su residensia ubika na Teherán.
Tin indikashon ku e atentado kontra Ismail Haniya tabata konosí ayera tardi i huntu ku algun di bodygaurdnan a muri.
Masoud Pezeshkian presidente di Iran a publiká riba su kuenta di red sosial X ku lokual a pasa Ismail Haniya ta di lamentá.
Hamas ta kulpa Israel pa morto di Ismail Haniya i a hura di tuma represaya pa lokual a pasa aki.
Mahmoud Abbas presidente di Palestina tambe a kondena asesinato di e lider di Hamas i a kalifiká lokual Israel
a hasi aki komo un akto di kobardia.
Masoud Pezeshkian ta di opinion ku lokual a pasa aki lo bai uni forsa entre Iran i Palestina huntu ku otro paisnan den Medio Oriente mas pa atendé na serio ku Israel.
WASHINGTON – Antony Blinken sekretario di Estado a sigurá ayera for di Washington no ta impliká den e kaso di asesinato di Ismail Haniyeh lider di e grupo Islamita Palestino ku yama Hamás.
Ismail Haniyeh tabata biba na Palestina komo pero a muda pa Teheran pa su seguridat.
Antony Blinken a bisa Merka no ta metí den e atentado kontra Ismail Haniyeh su bida pero tampoko lo bai speluka riba e asuntu aki.
Lloyd Austin minister enkargá ku e kartera di defensa na Merka ku ta na Filipinas a deklará ku lokual a pasa Ismail Haniyeh ta di lamentá i ku Merka su servisio di inteligensia lo bai sòru investigá mas den profundo ken lo a kometé e atentado aki.
Antony Blinken a splika ku lokual a pasa aki lo tin su konsekuensia debí Israel i Hamas tabata na mesa di negoshashon di pas pero lokual a pasa ku Ismail Haniyeh esaki lo nifiká ku esaki lo no ta posibel mas.
International
Maduro ta vinkulá: Lider di Tren de Aragua responsabel den e protesta kontra resultado ofisial elektoral
CARACAS – Nicolás Maduro ta asina desesperá ku e ta vinkulá Héctor Guerrero Flores -alias ‘Niño Guerrero’ lider di e geng kriminal transnashonal ‘Tren de Aragua’ komo responsabel di protesta den sentro di Caracas.
Nicolas Maduro a manda un mensahe pa “E famoso ‘Niño Guerrero’ ku ta dirigiendo su operashon na parti sur di Caracas ku elo no por hui manera e ta pretendé di hasi di krusa frontera pa bai Colombia.
Héctor Guerrero Flores -alias ‘Niño Guerrero’ tabata na Colombia i segun Nicolas Maduro ela keda manda Venezuela bou di òrdu di Merka.
Nicolas Maduro no sa mas kiko inventá pa kita atendé di e froude elektoral na Venezuela ku ta bisto kaba ku ela pèrdè.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
